روايه بقلم فريده احمد

ايه اللي انت عملتو كان هيحصل لأختك لولا ستر ربنا
الاذية بتترد لصاحبها يابني
تامر بحزن .. انا فعلا ندمان . وكمل بخزي .. اعمل ايه
شريف خد نفس وقال .. شوف يابني كلنا بنغلط و ربنا بيحب العبد الخطاء العاصي اللي يجيلو تائب . روحلو يابني وهو هيستقبلك . ادعيلو واطلب المغفرة وهيتقبلك عنده ويتوب عليك . راجع نفسك ياتامر وارجع لربنا
تامر كان قاعد بيسمع أبوه وهو متأثر جدا من كلامو
شريف خلص كلامه و سابه وقام مشي
وبعدها تامر خد مفاتيحه وقام نزل من الشركة وراح علي اقرب جامع ودخل اتوضي وصلي وفضل يدعي ربنا انو يسامحو وهو بيبكي وندمان علي اللي عمله

زواج بالاجبار الحلقة الثانية والأربعون
بعد مرور شهر
كانو حازم وريم طول الشهر ده ماشافوش بعض بسبب إن أبوه حكم عليه فعلا انو مايشوفهاش
ولا حتي كانو يعتبر بيكلمو بعض غير في يوم في خلال الشهر ده حازم لقي ريم بتتصل بيه
ريم .. عامل ايه
حازم رد عليها بسخرية وهو بيقول .. ويتري بقا بابا مراد عارف انك بتكلميني ولا بتتكلمي من وراه
ريم ابتسمت ڠصب عنها لما فهمت انو متضايق
حازم .. ايه ياريم هانم خير بتتكلمي ليه
ريم .. هو انت مكنتش عاوزني اتكلم
ريم .. عموما انا بكلمك علشان اقولك اني هروح اقعد مع شيرين الفترة دي . ممكن
حازم .. تقعدي الزاي يعني
ريم .. اقعد معاها .شيرين عايشه اليومين علي المهدئات ونفسيتها تعبانة جدا وانا بصراحة خاېفه عليها مش عايزة اسيبها لوحدها علشان ماتتعبش
ريم .. هو انت ليه ماتكلمتش مع امجد
حازم .. اتكلمت معاه بس مفيش فايدة
ريم بضيق .. عموما هو الخسران وميستاهلش اللي هي عملاه في نفسها ده علشانو
ريم خدت نفس وقالت .. ها قولت ايه موافق
حازم .. علي ايه
ريم .. اني اروح اقعد معاها الفترة دي واخلي بالي منها
حازم .. روحي
وبعدين قالها .. بقولك ايه
ريم .. ايه
حازم ..انتي وحشاني . تعالي نتقابل
ريم ببراءة مصتنعة .. مش هينفع . بابا مش هيوافق
سلام
..
ياسين هو كمان طول الشهر ده وهو يعتبر كل يوم كان بيروح لعمه علشان يوافق علي خطوبته من انجي
وبعد ما حازم اتكلم مع عمه ومراد كمان وحاولوا يقنعو شريف إن ياسين اتغير
اخيرا شريف وافق علي الخطوبة
بس بعد ما خد موافقة انجي نفسها اللي ردت بهدوء وقالت انها موافقة علي ياسين
انجي خاڤت ترفض لأنها فاكرة إن ياسين اصلا متجوزها بعد ما مضاها علي ورقة الجواز يوم ماهددها
لكن في الحقيقة إن الورقة اصلا كانت مزورة وياسين عمل كده بس علشان يضمن انها ليه وفهمها ووهمها انو كده اتجوزها حقيقي وهي صدقتو
لكن في الحقيقة هو متجوزهاش والورقة دي ملهاش اي لازمه
..
تامر كمان كان قرب من ربنا الفترة دي ومكانش بيسيب فرض وتاب عن كل اللي كان بيعملو وحاول كتير مع هنا أنهم يرجعو لبعض لكن هنا رفضت ترجعله ولسه مصممة على الطلاق
عمر وندي تقريبا معظم الوقت في خناق بسبب ابوها
.
في الفيلا
حازم كان قاعد على الكنبة وبيشرب قهوة بهدوء
هنا نزلت من فوق وقربت قعدت وهي بتقولو .. صباح الخير
حازم مردش عليها
هنا قامت وقعدت جمبه وقالت .. حازم انت هتفضل لحد امتا مش بتكلمني
هنا .. انا اسفة . عارفة اني غلطت ومكانش ينفع اني ارد عليك . انا اسفة بجد .. ممكن متزعلش مني بقا
هنا .. طيب ماانت كمان ضړبتني
سكتت ثواني
و قالت .. وبعدين انت ايدك تقيلة اوي ياحازم. انت كلتني قلم خلاني فضلت يومين مش عارفه ابص غير في جمب واحد
حازم ابتسم ڠصب عنو
هنا .. طول عمرك ايدك تقيلة . عارف انا خاېفه علي مراتك دي لو خدت قلم منك هتروح فيها
حازم بصلها لما قالت كده وشرد بحزن وندم وهو بيفتكر معاملته مع ريم لما كان بيمد ايده عليها وبيضربها وهي كانت بستحمل
هنا .. حازم . حازم
حازم انتبه ليها .. ايه
هنا .. مش زعلان مني
حازم باس علي راسها وقال .. لأ
وبعدين خد نفس وقالها .. ارجعي لتامر ياهنا . تامر كويس وبيحبك
هنا .. لو بيحبني مكانش خاني
حازم .. لأ هو بيحبك وانتي عارفه كدة . وموضوع الخېانة ده انتي السبب فيه . وبعدين هو دلوقتي اتغير اهو عاوزة