روايه بقلم فريده احمد
المحتويات
حاسه اني دايخه وكمان بطني بتوجعني كتير
الدكتوره قامت .. طيب اتفضلي علشان اكشف عليكي
الدكتوره بعد ماكشفت عليها قالتلها ببتسامة .. مبروك
انتي حامل
ريم پصدمة كبيرة مع انها كانت شاكه بس كانت بتدعي إن شكلها ده يطلع غلط
بلعت ريقها بصعوبة وقالت .. حضرتك متأكده اني حامل يادكتورة
الدكتوره .. اه طبعا باين قدامي اهو في الجهاز . الف مبروك
ريم بصت لشيرين وشيرين بصتلها بقلق
ريم فاقت علي صوت الدكتورة وهي بتديها الروشته وبتقولها .. انا كتبتلك علي شويه ادويه وفيتامينات مهم اوي انك تاخديهم الفترة دي في اول الحمل
شيرين خدت الروشته من الدكتورة وقالتلها .. شكرا
وخرجت ورا ريم
في العربية
ريم كانت بټعيط وشيرين بتهدي فيها
شيرين .. انا مش عارفه بس انتي عامله في نفسك ليه كده . دي حاجه كويسة انتي المفروض تبقي مبسوطه مش بټعيطي
ريم بعياط .. اتبسط وانا حامل وجوازي في السر مفيش غير تلاته اربعه اللي عارفين
شيرين .. اكيد حازم لما يعرف هيعلن جوازه منك
ريم بعياط .. هو اصلا محذرني اني احمل . انا مش عارفه هقوله الزاي . انا قلقانة من رد فعلو مش عارفه ممكن يعمل ايه
.
عند انجي كانت داخله البيت وهي بټعيط بس قبل ماحد يشوفها مسحت دموعها وخدت نفس ودخلت
باباها ومامتها كانو قاعدين
انجي قالت مساء الخير
وبعد ماردو عليها قالت عن اذنكم وراحت تطلع علي فوق علطول قبل مايلاحظو حاجه
بس وقفها صوت باباها لما قالها استني ياأنجي
انجي وقفت مكانها وقالت .. نعم يا بابا
شريف .. تعالي ياحبيبتي
انجي قربت بهدوء وقعدت جمبو
شريف بص ليها بشك .. مالك يا انجي
انجي . مفيش يابابا
ليلي .. ياحبيبتي اتكلمي وقولي مالك متخبيش علينا
انجي .. مفيش حاجه ياماما . انا كويسة
شريف .. وشك مالو
انجي بتوتر .. م. مفيش يابابا
شريف بشك .. انتي في حد ضړبك
انجي سكتت
شريف مسكها جامد وقالها .. ردي عليا
انجي مقدرتش تمسك نفسها اكتر من كده واتفتحت في العياط
شريف مسكها من كتافها وقالها .. قوليلي ياحبيبتي مين عمل فيكي كده
انجي بعياط .. ياسين
شريف پغضب مكتوم .. ليه . عمل كده ليه اتكلمي
انجي بتوتر . ع. عشان شافني واقفة مع آدم اللي قولت لحضرتك عليه انو عايز يتقدملي
شريف اول ماسمع كده قام پغضب وراح لبيت اخوه
وليلي حضنت انجي وفضلت تطبطب عليها
شريف دخل الفيلا پغضب كان مراد وحازم قاعدين بيتكلمو
شريف .. ابنك فين يا مراد
حازم لما شافو كده قام وقال .. في ايه ياعمي
شريف .. اخوك فين ياحازم
في الوقت ده ياسين نزل من فوق ببرود وقرب منو وقف قدامه وقال ببرود.. خير ياعمي في ايه
شريف پغضب راح نازل على وشه بالقلم
شريف پغضب وزعيق .. لو قربت من بنتي تاني هتبقا پموتك ياياسين . فاهم
وبص لمراد اللي كان واقف بهدوء وقاله .. ابعد ابنك عن بنتي .عشان انا لحد دلوقتي مراعي انو ابنك بس لو جي جمبها تاني مش هيهمني اخوة
وطلع پغضب
ياسين كان لسه واقف مكانو زي ماهو ابوه قرب منو .. حصل ايه
ياسين بص لابوه وخرج بره من غير مايتكلم
مراد پحده .. لما اكلمك ماتسبنيش وتمشي
ياسين وقف مكانو ولف ليه
مراد .. عملتها ايه
ياسين .. ضر بتها
مراد .. ليه
ياسين .. غلطت ف ضړبتها . عن اذنك
وخرج
بره حازم كان خرج ورا عمه
حازم .. في ايه ياعمي ايه اللي حصل لكل ده
شريف پغضب .. البيه مد ايده علي بنتي وضر بها
شريف .. ياريت تعقله عشان صدقني بعد كده مش هسمي عليه
ياسين وهو طالع بص عليه بتحدي وشريف بصله پغضب
ياسين خد عربيته ومشي
حازم بص لعمه.. انت ليه رافض جوازه من انجي ياعمي . فيها ايه ماتوافق
شريف پغضب .. انت مش شايف عمايله عايزني اجوزه بنتي الزاي وهأمن عليها الزاي معاه بأسلوبه ده
حازم بهدوء .. عمي ياسين بيحبها وانا متأكد انو بيعمل كده بسبب رفضك ليه
شريف بتصميم .. لو اخر واحد في العالم مش هجوزه بنتي .ويوريني بقا هيعمل ايه
..
في المساء
عند ريم
ريم كانت نايمة
حازم دخل قعد جمبها علي السرير ومد ايده وبدا يحركها
متابعة القراءة
