روايه بقلم فريده احمد
المحتويات
علي حازم
عند حازم كان واقف قدام غرفة العمليات وهو باين عليه القلق لحد ما تليفونه رن
حازم فتح .. ايه ياأمجد
امجد .. بقولك ايه عمر معايا اهو متيجي تسهر معانا
حازم .. مش هينفع
امجد .. ليه
حازم .. انا في المستشفى
امجد .. في حاجة ولا ايه انت تعبان
حازم .. مش انا دي ريم تعبت
امجد .. تعبت الزاي ايه اللي حصل
حازم .. عندها الزايده هي جوه في العمليات دلوقتي
عمر .. طيب انا هجيلك . مستشفى ايه
حازم .. مالوش لزوم
امجد .. لأ اناجاي قولي بس اسم المستشفى
امجد قفل لقي عمر بيقولو .. خير في ايه مالو حازم
عمر باستغراب .. مراتو مين هو مش حازم مطلق مراتو
امجد .. ايوا ماهو اتجوز تاني
عمر .. اتجوز امتا
امجد خد مفاتيحه وقام وقالو .. انا رايحله المستشفى
تعالي معايا واستفسر براحتك واحنا في الطريق
..
عند شيرين كانت بتعمل شوبيج هي وندي خطيبت عمر
وهما في المول بيشترو لبس ندي كانت ماسكه جيب
قصيرة جدا وبتقول لشيرين .. ايه رايك في دي
شيرين بصت عليها وقالتلها .. كويسه
ندي .. هخدها بس ياريت بقا عمر ما يعترضش عليها
شيرين .. لو شايفه انو هايعترض عليها بلاش
ندي .. عمر ده خنيق بيعترض علي لبسي كلو اصلا دا لو عليه
شيرين .. ماهو بصراحه ياندي انتي لبسك مستفز كلو قصير وعر يان
ندي .. والله هو عرفني وهو عارف ان دا استايلي ووافق يخطبني علي كده مايجيش بقا يعترض دلوقتي
شيرين .. انتي بتحبيه ولا لأ
ندي .. ايه السؤال ده طبعا بحبو
شيرين .. طيب ما دام بتحبيه حاولي تتغيري علشانه مفيهاش حاجه لو عملتي اللي هو عايزه
ندي بضيق .. وهو يعني لو بطل تحكماته دي هيجرا ايه يعني
شيرين .. هو بيحبك وبيغير عليكي ودي المفروض حاجة تبسطك مش تدايقك
ندي .. ياستي يحبني ويغير عليا عادي معنديش مشكلة
بس مايخنقنيش
شيرين لسه هتتكلم تليفونها رن
ندي .. طيب ردي شوفيه
شيرين .. ايه ياحبيبي احنا خلاص راجعين اهو
امجد .. لا متروحيش تعالي علي مستشفى
شيرين بخضه .. خير في حاجة انت كويس
امجد .. انا كويس بس مرات حازم في المستشفى تعالي عشان تبقي جمبها
شيرين بقلق .. مالها ريم
امجد .. بتعمل عملية الزايدة .يلا تعالي بسرعة
شيرين .. حاضر وقفلت
ندي .. خير في ايه مين اللي تعبان
شيرين .. تعالي وهقولك في الطريق
..
في المستشفى كان حازم واقف لحد ما الدكتور خرج
حازم .. طمني يادكتور
الدكتور .. الحمد لله العملية اتعملت وهي هتبقي كويسة بإذن الله
حازم .. طيب هي هتفوق امتا يادكتور
الدكتور .. احنا هننقلها غرفة عادية دلوقتي وساعة وهتفوق ان شاء الله
ريم انتقلت غرفة عادية
وبعدين دخل حازم عندها
حازم قرب منها وهي نايمة على السرير وميل باسها
متابعة القراءة
