عالجتها ثم احببتها

قرارك المتخلف
أيمن مش هنكر إنى ندمان جدا بسبب القرار بس أنا كنت بحاول أنقذ الشركه.
حازم پغضب طب روح على مكتبك بقا يافالح وركز فى شغلك عشان تنقذ الشركه فعلا.
أيمن سكت وفضل يبصله بنظرات غريبه كلها غموض حازم إستغرب النظرات دى وكان لسه هيتكلم لقى أيمن بيبتسمله إبتسامه خفيفه وبعدها خرج من المكتب...
حازم بعصبيه لنفسه مش ناقص برود أعصابه تلاجه ولا هامه أى حاجه.
مسك الموبايل وبدأ يتصل بجورج...جورج فتح الخط ولسه هيتكلم.....
الحوار مترجم من اللغة الانجليزية إلى العربيه 
حازم بعصبيه من أعطاك الحق لفعل ذلك
جورج وهو بيحاول يهدى الموضوع أنا آسف أحازم ولكننى كنت تحت تأثير الكحول ولكنه خبر رائع ألا ترى أننى أ........

حازم بعصبيه يجب أن تقوم بإلغاء كل ما فعلته فورا.
جورج بنبرة ټهديد أظن أنك تخطيت حاجز العمر بيننا وتقوم برفع صوتك .. ألا ترى أننى فى عمر والدك يافتى
حازم بعصبيه لست والدى وليس لدى أب ولن يكون لدى نهائيا فقط قم بإلغاء كل ماقمت به فورا.
جورج بإستفسار لماذا أنا أرى أنه الوقت المناسب لإعلان زواجك فأنت لست مجرد شريك لى ويجب أن أكون سعيدا لأجلك ولذلك فعلت كل هذا ما الذى يجعلك غاضبا أم أنك تخفى شئ ما
حازم كان لسه هيرد.....
جورج بشك هل كان أيمن ېكذب عندما قال بأنك متزوج بها
حازم سكت ومعرفش يرد يقول إيه...
جورج لماذا صمت هل هذا معناه أنكم كنتم تكذبون!!!
حازم بتنهيده لا جورج لم نكن نكذب.
جورج بإستفسار إذا لماذا أنت غاضب هكذا أنا أعلنت أنك متزوج من المرأه التى لكمتنى لأجلها فكنت أريد توضيح الأسباب وكنت أريد الإعتذار بشكل رسمى أخبرنى فى ماذا أخطأت يافتى
حازم بخيبة أمل أنت لم تخطئ أنا أعتذر عن فظاظتى معك.
جورج سوف أقبل بإعتذارك إذا حضرت الحفل وإذا لم تأت أنت وزوجتك إعتبر أن شراكتنا إنتهت لأنك بهذا الشكل تكون قد ډمرت سمعتى كمستثمر عالمى وقبل أن أغلق أريدك أن تعلم أننى سوف أغادر مصر بعد الحفل بيوم واحد لذا أرجو منك أن لا تجعلنى أغادرها وبداخلى ندم شديد على معرفتى بك كل عام وأنت بخير.
قفل المكالمه من غير مايستنى رد منه....ضغط بإيده جامد على الموبايل عشان يتحكم فى أعصابه وبعدها خرج من الشركه...
فى مكان آخر يملأه الغموض كان قاعد على كرسى وقدامه لاب توب كانت ملامحه غير واضحه بسبب الظلام المنتشر فى المكان إللى هو فيه إبتسم بسخريه على الخبر إللى موجود قدامه وبدأ يعمل مكالمه لحد ما الطرف التانى رد إللى هو كان أيمن...
بسخريه أكتر حاجه عجبانى فى جورج إنه مابيقدرش يتحكم فى نفسه لما بس تعرف هيخلينى أوصل للى أنا عاوزه بسرعه.
أيمن بإستفسار إللى هو إيه
مش مهم تعرف المهم إنك هتاخدها هى فى الآخر.
أيمن تمام.
كان لسه هيقفل وقفه سؤال أيمن...
أيمن أنا بشتغل معاك بقالى فتره ومعرفش إنت مين لحد دلوقتى مش أنا من حقى أعرف أنا بتعامل مع مين
بسخريه ويهمك فى إيه
أيمن مابحبش أشتغل مع
حد معرفهوش ولا أعرف ملامحه ده حتى إسمك معرفهوش.
هتعرف قريب.
أيمن بإستفسار إمتى
بإبتسامه إصبر على رزقك يا أيمن.
قفل المكالمه من غير مايستنى رد منه...عيونه جات على صورة كبيره متعلقه على الحائط قدامه الصوره دى كان فيها حازم ومروه وهما داخلين الشركه مع بعض...
بشړ قريب أوى هاخد حقى.
الروايه بقلم ساره بركات
فى فيلا تامر 
كانوا قاعدين فى الصالون بيتكلموا...
مروه بإستفسار هو حازم إتأخر كده ليه
دعاء مش عارفه.
تامر نزل من الأوضه وقعد جنب دعاء...
تامر بتنهيده حازم خلاص قرب يوصل.
دعاء بإستفسار عرفت منين
كان لسه هيتكلم جرس الفيلا رن...الخدامه فتحت الباب وحازم دخل والڠضب فى عيونه....
تامر بإستفسار وهو بيقرب منه فى إيه يابنى
حازم مافيش.
تامر إيه إللى مافيش إنت مش شايف نفسك عامل إزاى
حازم تجاهله وراح لمروه..
حازم يلا قومى عشان نمشى.
إستغربت نبرته وإستغربت أكتر إنه إزاى يقدر يتحول فى وقت بسيط كده لما كان بيكلمها فى الموبايل كان باين إنه قلقان عليها لكن دلوقتى هو متعصب ومش طايق أى حد نهائى..قررت إنها تسمع كلامه وتقوم....
تامر مش هتتغدوا معانا
حازم تتعوض مره تانيه.
...فتح باب العربيه وخلاها تركب وهو ركب وإتحرك بالعربيه... طول الطريق كان بيفكر خاېف حد يهدده بيها هى كمان كفايه التهدايدات الخاصه