قلبى تحدانى بقلم زهره الربيع

ابنه
يوم الفرح كان الكل مجتمع وملاك جهزت وبقت عروسه زي القمر بس كان دموعها ما نشفتش رغم كل اللي حصل لكن اتمنت لو مستسلمش واتمنت لو رفض ومنع الجوازه
بعد وقت كانت قاعده هي وعلي جمب المأذون اللي قال... ما اسمك يا ابنتي
قالت ملاك بدموع.. ملاك
علي ادلو البطايق فورا وقال وانا علي يلا اكتب بسرعه
قال المأدون پغضب.. ماذا علي اسمك علي وتريد الزواج استغفر الله العظيم وانتي الا تخجلين من الزواج بعلي مثله
ملاك ضحكت وقالت وهخجل ليه يا سيدنا هو اسمه ابليس
الماذون قال لا يا ابنتي انتي صاحبة اسم مرموق لا يليق بك اي اسم..اعتقد يليق بكي اسم عادل او احسان او ربما نور مثلا.. هذا الاسم المناسب يا ملاكي
ملاك اټصدمت وبصتلو بزهول خصوصا لما قال ملاكي وهو غمز لها ووقف وقال...هذا الجواز لا يجوز لا يجوز..انا لم ادرس ٧ سنوات مأذنه لارتكب الفواحش
علي استغربه وقال ...يا سدنا الشيخ ده اسمي هغيره يعني ..وبعدين ايه اللي سبع سنين دارسة ..وهو فيه جامعه بتدرس مئذنه اصلا ايه المأذنه دي كمان
قال..اي نعم يوجد وندرس بها عقد القران وانا لا اريد ان اعقد قرنك يا اخي اعقده وحدك
ملاك كانت عايزه تضحك وعلي لسه هيتكلم خالد قال ما قالك ما ينفعش يعقد قرنك هي ناقصه اما انك قرن صحيح
علي بصلهم پغضب وبقى ينادي على عم ملاك ..و نور غمز لخالد
قام خالد قطع الكهرباء عن المكان كله والدنيا بقت ضلمه جدا
نور مسك ايد ملاك وهي ما منعتش ابدا وطلعت معاها بسرعه من المكان وبقوم يجروا شويه لحد ما وصلوا عند عربيته وركبت معاه وهي مش فاهمه ليه متكلمتش ولا فضحته من اول ما عرفته
نور قلع العمه والعبايه والشنب والدقن التركيب وبصلها وقال بحب..وحشتيني يا ملاكي اخيرا بقينا لوحدنا
ملاك قالت بارتباك ..انت هببت ايه رجعني يا نور مش هينفع كده ابدا
بس نور طلع بيها بسرعه وكأنو مش سامعها.
على الطريق قالت پغضب عايزه ارجع انت خاطفني على فكره 
نور ضحك وقال احلى خطفه دي ولا ايه..بس ايه رايك فيها