عشق بغير حسبان بقلم ندى الشريف

ايه جو التايتنك دا!
قولتله وانا بتنطط بحماس_ تميم يلا نجري 
رد عليا بنفس الحماس_ يلا انا هجري وراكي 
جريت انا وهو في نص الشارع الناس كانت بتبصلنا بإستغراب كل ما أستخبى في حته كان بيشوفني شغلنا أغنيه البطريق من الموبايل ورقصناها في الشارع!!
طلبت منه يجيب موتسيكل وكان هيكلم رجالته بس انا طلبت منه يأجره كان معترض بس مرضيش يزعلني 
كنت مفكره انه هيأجر موتسيكل بسيط بس إتفاجئت انه أجر سوزوكي!!!
وجابلنا خوذتين كمان قولتله وانا بركب وراه_
دي غاليه أوي!!
قالي وهو بيلبس الخوذه بتاعته_
بالنسبه ليا رخصيه 
مسكت فيه من ورا وقام
مدور المطور وطيرنا على الطريق 
كان إحساس جامد بكل المقاييس وقفت وراه وفتحت دراعاتي وانا بقوله بصوت عالي_
دا أجمل إحساس في الدنيااااا 
فضلنا نلف لمده نص ساعه تقريبا بعدها عدينا على جنينه وتميم قالي انو عايز يخش يقعد فيها شوية وبعدها
نروح 
دخلنا جوا بعد ما سيبنا الموتسيكل مع الأمن كانت فاضي تماما مفيهاش غير أعداد بسيطه 
مسك إيدي وقالي_
تعالي في تبه عالية فوق هنطلع عليها!!
طلعنا فوق التبه وكان منظر بديع 
تميم نام على النجيله وحط إيده ورا راسه وبص في السما وقالي_
تعالي يا تماره شوفي الجمال 
نمت زيه وحقيقي كان منظر خيالي فضلنا ساكتين شويه بعدها سمعته بيقول_
شكرا يا تماره إنك عرفتيني معنى الحياه 
رديت عليه وقولتله_
وشكرا لوجودك في حياتي يا تميم 
_بحبك يا طمطم 
_ 
_طب بقولك ايه!
_نعم 
_الفرح الأسبوع الجاي مش كدا!
عدلت نفسي وقولتله_ ايوا !!
قالي وهو لسا نايم_ لو مقولتليش بحبك بعدها هتقلك يا حبيبي 
قولتله وانا بنام تاني_ هبهرك 
ورجعت بصيت في السما 
________بعد ساعه تقريبا خرجنا من الجنينه ولاقينا عربية تميم واقفه برا لأنه كلم واحد من رجالته يجبها ويروح يرجع الموتسيكل 
تميم روحني لحد باب البيت وبعدها مشي أول ما دخلت البيت قعدت على الكنبه وفتحت الموبايل لاقيت في مسدچ مبعوتالي على الماسنجر من غير إسم للأكونت!
المسدچ كانت عباره عن صورتي ومتعلم عليها إكس بالأحمر 
منكرش اني خۏفت بس الحقيقه إني نسيتها بعد كام يوم بس معرفش إن اللي بعتها قرر يظهر يوم فرحي!!
الفصل العاشر من هنا
يوم فرحي كان ولا الخيال 
الساعه 1كانت الميكب آرتست جات وبدأت شغلها بنات خالاتي وصحابي وقرايبنا كلهم جم البيت 
كنت متوتره بشكل مش طبيعي تميم رن عليا ف رديت عليه والبنت كانت بتحط الميكب 
_ألو 
_ايه يا جميل جهزت ولا لسا
إتفاجئت ببنات خالاتي كلهم لزقوا في الموبايل عشان يسمعوا قولتله وانا بزقهم بإيدي_
لسا بجهز اهو 
للأسف تميم قلب شاعر رومانسي اليوم دا قالي بحب_
ساعتين وهجيلك يا عمري وهتروحي معايا!
البنت وقفت ميكب عشان البنات اللي اتملوا قولتله وانا بشيل الموبايل من جنب ودني_
طب يا تميم هكلمك بعدين سلام 
قفلت الخط وكلهم جريوا بصتلهم بغيظ وهديت بعدها عشان البنت تخلص 
ولأن بنت خالتي فوفوغرافر كانت واخده اليوم كله تصوير 
بيتنا كان مليان بنات على الأخر قرايبنا وصحاب أختي أصل النهارده فرح أختي!!
هتتجوز من صاحب الشركه اللي بتشتغل فيها وسبب إزدحام بيتنا بالبنات هو إن أختي هتجهز في البيت عريسها جابلها الميكب أرتست للبيت بس انا بقول عليها كوافيره!!
مكنتش عارف أخد راحتي في البيت وفضلت محپوس في الأوضه أول ما اذن العصر لبست بدلتي وجهزت وخرجت من الأوضه 
معرفتش أمشي في الطرقه من بنات خالاتي قولتلهم وانا خارج من وسطهم_
بطلوا الدهانات اللي في وشكم دي 
ضحكوا عليا ميعرفوش اني بكلم جد!! خبطت ودخلت لأختي لاقيتها جاهزه بس الكوافيره كانت بتشدها من شعرها عشان تتأكد ان التاج من هيقع 
دخلت بوست ايديها وقولتلها_
بقا الجمال دا هيسيبنا ويمشي!
قالتلي بإبتسامه_
شكلي حلو يا سالم!
_ملكه جمال يا ناس 
سمعت الكوافيره بتقولي_ بطل معاكسه كدا مش هتسيب للعريس حاجه 
واحنا واقفين فريدة أختي دخلت علينا وقالتلنا بحماس_
عمو العريس وصل!!
خرجت من الأوضه عشان أقابل تميم بس اتخنقت من ريحه البرفيوم اللي البنات حاطينها بصيت على فريدة لاقيتها بتحط روچ!!
زعقت فيهم وانا بجري من الشقه من الريحه_
الله ېخرب بيت المكياج وسنينه 
خرجت برا لاقيت تميم واقف بالبدله السودا وماسك بوكيه ورد أول ما شافني فتح دراعه وقالي_
أبو نسب 
حضنته وخبط على ضهره وانا بقوله_
مبروك يا عريس 
سبته يدخل ل تماره وخرجت أشوف الزفه بتاعه أختي كانت زفه ماڤيا 
تميم جاب لعيلتنا ومعارفنا عربيات ملاكي كانت واقفه في صف ورا بعضها في نص الشارع كل عربيه متزينه كأنها عربية العروسه وفي بداية الصف عربيه بيضه ومتزينه بشكل مختلف عنهم ودي عربية تميم وتماره 
على الجنب اليمين والشمال للعربيات في
عربيات حراسه محاوطه العربيات اللي هنركبها من كل حته 
دخلت أشوف لحظه اللقاء دخلت لاقيت تميم بيبوس إيديها وقالها حاجه في ودنها ضحكتها 
قولتلهم بصوت عالي_
اييييه يا جدعان راعو ان في ناس سنجل هنا!
تميم قالي وهو بيحط ايد تماره في دراعه_
عقبالك يا عم 
خرجوا وسط الزغاريط لحد العربيه تميم
خصص ليا انا وامي واختي الصغيره عربيه لوحدنا 
تميم كان سايق العربيه وتماره جنبه أول ما اتحركوا اتفاجئنا بعربيات الحراسه بټضرب العاب ڼارية في السما!
ودخان بيخرج من عربيتهم وطول
الطريق ڼار في الجو!!
قالولي ان تميم واقف برا اتوترت جدا وفضلت اقول حاجه واحده_
شكلي وحش يا بنات!
وكان ردهم اني جميله وهكون أجمل واحده بس انا بحب أوتر نفسي 
خرجت لتميم لاقيته لابس بدلته السودا وواقف مبتسم كان حته من القمر 
أول ما شافني لمحته بيدمع بس مسح عينه بسرعه أول ما قربت منه باس راسي وقالي_
ايه الحلاوه دي 
قولتله بمشاكسه_ شوفتك وانت بټعيط على فكره!!
سالم اخويا دخل وهو بيبوس إيدي وقرب من ودني ومش هينفع أقولكم قالي ايه!!
كنت اول الناس الموجوده في القاعه! أول ما سمعت إنهم وصلوا خرجت برا أشوفهم كانت جايا بموكب مش زفه عاديه الصحافيين والمصورين كانوا ماليين المكان!
المعازيم نزلوا ودخلوا القاعه اللي كانت شبه ساحه القصر مساحتها كانت ضخمه بشكل ميخترش على بال!
دا غير مدخل القاعه اللي ينفع يبقى قاعه تانيه من وسعه!
وقفنا كلنا مستعدين لدخولهم الإضاءه قلت بالتدريج واتركز ضوء على مدخل القاعه الفرقه الموسيقيه بدأت تعزف لحن ملكي 
وفجأه الأبواب اتفتحت على أخرها وهلت صاحبتي بفستانها الملكي كانوا شبه الأمير والأميره!
ممسكتش نفسي وعيطت من جمالهم سمعت حد بيقولي_
بټعيطي ليه 
لفيت لاقيته سالم أخوها قولتله وانا بمسح دموعي_
تماره بتتجوز 
خبط بكف ايده وقالي_
لاحول ولا قوة الابالله يبنتي انتي في فرح!!
سكت شوية وقالي_
صاحبتك بتتجوز مش ناوية انتي كمان
قولتله بغباء_
اعمل ايه
_هقولك بعد الفرح كملي عياط 
تماره وقفت مع مستر تميم وبدأو يرقصوا سوا الدخان إنفجر في أرض القاعه وكأنهم بيرقصوا فوق السحاب الڼار طلعت من الأرض وهو بيشليها ويلف بيها ورد اترمى علينا من السقف 
جابو كل المغنيين الكبار اللي ممكن تتخيلهم فرحها كان حلم كل بنت 
بس مكملش على خير بعد الفرح الأسطوري دا كل المعازيم روحوا ما عدا انا وأسرة تماره روحنا معاها لبيتها الجديد 
بعد ما خلصنا فرحنا ركبت جنب تميم اللي كان عاشق ولهان الليله دي فتحت موبايلي اللي خدته من ماما وقررت أتصور سيلفي معاه 
قولتله وانا بستعد عشان القط الصوره_
اضحك يا تميم 
قبل ما القط الصوره لاقيت مسدچ جات على الخط مكتوب فيها
مبروك يا عروسه اعذريني هاخدك من عريسك
مفهمتش معناها بس قلقت ومردتش أقول ل تميم عشان الليله تعدي على خير 
وقفنا قدام الڤله قولت ل تميم_
بقولك ايه إستنى شوية واطلع!
قالي بأستغراب_ ليه
_عشان بسنت هتطلع تساعدني أشيل الميكب والفستان 
غمزلي وقالي بإبتسامه_
على فكره انا بعرف أشيل الميكب والفستان حلو أوي 
قولتله وانا بفتح باب العربيه_
لا يا بابا انت هتفضل هنا لحد ما بسنت تنزل ماا
قطعت كلامي لما لاقيت حد كتم بقي بإيده وسحبني لورا شوفت تميم وهو بيتخبط على دماغه من ورا وأغمى عليه حاولت أفك نفسي أو أتنفس حتى 
شوفت رجاله الأمن اللي كانوا معانا واقعين على الأرض ملحقتش أشوف أهلي وخدت خبطه على دماغي فقدت الوعي 
صحيت لقيتني 
الفصل الحادي عشر من هنا
صحيت لقيتني في أوضه ضلمه مش شايفه حتى كف إيدي فستان الفرح كان مضايقني
حاولت أحرك إيدي بس كانت متكتفه في عمود ورا ضهري 
كنت خاېفه ومش فاهمه حاجه فضلت ساكته لحد ما سمعت صوت حد بيقول_
ايه دا انا فين!
شبهت على الصوت بعدها قولت بسرعه_
في حد هنا!
سمعت صوت سالم اخويا بيقول_
تماره انتي هنا انا سالم اخوكي 
_ايوا انا تماره انت فين!
_مش
عارف الأوضه ضلمه وإيدي متكتفه بقولك ايه انا شامم ريحه وحشه انا خاېف تبقى چثه!
_سالم مش وقت هزار انت جيت هنا ازاي!
جالي صوته بيقول_
احنا كنا وراكوا في العربية بعدها اتفاجئنا بناس بتفتح الباب وبخت في وشنا حاجه خلتنا ننام معرفش أمك وفريده فين! وبسنت!!
_تميم فين!
_معرفش حاولي تفكي نفسك 
_مش عارفه افك نفسي الفستان لاخمني 
قبل ما يرد عليا اتفاجئت ب باب المكان بيتفتح مشوفتش حاجه غير خيال حد واقف كان واضح أوي إنها بنت من خيالها!!
سمعت سالم بيقول_ يا اللي واقف تعالى فكنا 
البنت دخلت خطوه جو الأوضه والنور اتفتح مره واحده غمضت عيني من شدة النور سمعت صوت ضحكتها فتحت عيني بسرعه واټصدمت!!
قولتلها_ مش انتي البنت اللي كانت في الحفله جنب تميم!
سقفتلي وقالتلي_ شابوه ذاكرتك حلوه!!
_انتي بتعملي ايه هنا!
كانت لابسه بيچامه بيتي كان واضح اننا في أوضه مكتب!! قعدت على كرسي كان قريب منها وبصتلي بريبه قولتلها_
أمي واختي فين!
سحبت علبه سجاير من فوق المكتب وقالتلي_
مټخافيش لسا في العربيه ومعاهم صاحبتك 
سالم كان مربوط ورايا تقريبا لإني مشفتوش بس صوته كان مسموع وهو بيقولها_
تميم فين!
ولعت السېجاره وقالتله_
تميم تميم بيدور عليكم دلوقتي 
خدت نفس وطلعته وهيا بتقول_
بس ايه الفرح الحلو دا!! لأ وقعتي واقفه يعني 
قولتلها وانا بحاول أخرج إيدي من الحبل اللي رابط ايدي_
عايزة ايه!
خدت نفس وقالتلي_
بصي انا المفروض مقولكيش بس مادام سألتي هجاوبك 
طفت السېجاره وقالتلي_
أول مره شوفتك كنتي في الحفله بترقصي مع تميم عرفت منه انه بيحبك والحقيقه يا بتاعه انتي انك كنتي هتبوظي كل اللي بنخططله بقالنا سنين!!
مش هشرحلك الباقي بس هقولك اللي هيحصل عشان ټموتي بحسرتك 
هروح دلوقتي لتميم هساعده عشان يلاقيكي وبعدها هنخدعه ونقوله انك خونتيه وخدتي فلوسه وهربتي بس الحقيقه انك هتكوني مېته بعدها تميم يكرهك ساعتها هخش في حياته واحاول أحسن حياته أخليه يحبني أخد فلوسه اللي خدها من أبويا زمان!!
تفيت عليها وقولتلها_
تميم مش حرامي 
مردتش عليا وخرجت من الأوضه رجعت وفي إيديها كلب بقه متكمم 
قالتلي وهيا بتحرر
بقه من الكمامه_
نسيت أخليه يسلم عليكم 
شالت الكمامه وجريت برا الأوضه 
بصيت على الكلب بړعب كان بيزمجر وهو بيقرب عليا سمعت صوت سالم بيقولي_
اوعي تهاجميه ببني انك مستسلمه 
_انتي مش شايف شكله 
_اسمعي الكلام بدل ما يإذيكي 
فضلت بصاله بړعب قرب من وشي وفضل يلهث بعدها لحس وشي بلسانه وقعد جنبي في هدوء قولت ل سالم_
هو معضنيش ليه!
_الكلاب بطبعها مش بتهجم غير لما تحس بخطړ لو كنتي بينتي خۏفك أو هاجمتيه كان عضك عادي 
_انا لازم اخرج من هنا البت دي بتضحك على تميم 
_نخرج ليه ما التكييف حلو اهو!!
_انت ليه محسسني إننا في رحله مش شايف النيله اللي احنا فيها 
_يبنتي انتي شايله هم ليه ما احنا ھنموت بشياكه اهو 
الكلب اللي جنبي مد راسه ليا عشان امسح عليها بإيدي شاورتله بإيدي المتكتفه اني مش هعرف إتفاجئت بيه لف ورايا وحاول يقطع الحبل بسنانه 
سالم قالي_
تفتكري بقا! تميم هيهجم ازاي
_تميم هيهجم ازاي وهو مش عارف احنا فين!
ضحك وقالي_ يبنتي انتي متجوزه تميم حمزاوي!
_على أساس اني مش عارفه إسمه!
_انتي غبيه الفستان بتاعك في جهاز چي بي إس تميم إدهوني أحطهولك عشان كان خاېف يحصلك حاجه 
قولتله بفرحه_ بجد! يعني هو عارف انا فين دلوقتي!
_أكيد عارف 
_طب ومجاش ينقذنا ليه
_أكيد بيفكر بهدوء 
الكلب معرفش يقطع الحبل من تخنه قعد جنبي وبدأ ينام لاحظت ان في صوره متعلقه على الطوق اللي في رقبته ركزت فيها أكتر واستغربت منها 
الصوره فيها راجل عجوز قاعد على كرسي متحرك وجنبه راجلين كبار شبه بعض تقريبا تؤام! وجنبهم ولد وبنت بيضحكوا 
قولت لسالم بعد ما فكرت شوية_
سالم 
_امممم 
_البنت دي تبقى قريبه تميم!
_عرفتي ازاي
كنت هرد عليه بس إتفاجئت بالباب اتفتح مره واحده ودخل رجاله كتير ومعاهم البنت الصفرا اللي خطفتنا 
قالتلهم وهيا حاطه إيديها في وسطها_
عايزاكم تتخلصوا منهم وترموهم في أي حته 
رد عليها راجل واخد بشله في وشه_
تحت أمرك يا هايدي هانم 
الرجاله اللي معاه فكونا وشالونا على كتافهم الكلب اللي جنبي ھجم عليهم وعض اللي كان شايلني ووقعني على الأرض كنت هقوم أجري بس مسكوني تاني فستان الفرح كان مضايقني 
وإحنا خارجين معاهم وماشيين في الڤله بتاعتها إتفاجئنا بصوت ضړب ڼار 
هايدي قالت في توتر_ هو في ايه
أبو بشله قال للرجاله بتوعه_
اخرجوا أعرفوا ايه اللي بيحصل!
قبل ما يتحركوا في طلقه دخلت من شباك صابت واحد من رجالته 
كلهم جريوا مره واحده سالم وقع من على كتف اللي شايله وجري بسرعه ونط من الشباك 
أول ما خرج ضړب الڼار وقف هايدي قالتلهم بسرعه_
خدو البت دي من الباب اللي في ورا الڤله يلا 
أبو بشله قالها_
لا يا ست هانم إحنا متفقناش على ضړب الڼار دا!!!
قالتله بعصبيه_ يعني ايه
الراجل اللي كان شايلني رماني على الأرض أبو بشله قالها_
يعني انا ورجالتي هنستأذن!
جريوا كلهم من الباب اللي ورا وفضلت انا وهيا في الڤله شتمتهم بعدها مسكتني من شعري وقالتلي وهيا بتجرجرني_
لو هما مش هيقوموا بيكي هعملها انا 
فضلت أصرخ من الألم وصړخت أكتر لما ضړب ڼار إشتغل تاني ولإن الڤله معظمها من إزاز الطلقات كانت حوالينا في كل حته 
ضړبتني بالشلوت في وشي وأغمى عليا 
فوقت لاقتني لسا متكتفه بس المرادي واقفه على جبل وحواليا صحرا!!
بصيت حواليا لاقتني لوحدي بقي كان متكمم المرادي ومعرفتش أصرخ مكانش في ايدي حاجه غير اني اعيط!!
بس وقفت عياط على طول لما شوفت بعيني رجاله تحت بټضرب بعض!!
كانوا ملمومين على واحد!!
كنت في إرتفاع عالي ومعرفتش أشوف ايه بيحصل بس برقت بعيني لما شوفت تميم طايح فيهم ضړب!!
سمعت صوتها ورايا بتقول_
الظاهر اني مش هعرف أتخلص منك يا بنت ال 
ملحقتش ألف وشي وإتفاجئت بيها شدت شعري وجرجرتني على حافه الجبل وصړخت بصوت عالي وهيا بتقول_
تميم 
بصيت تحت لاقيت الرجاله كلهم مرميين على الأرض وتميم واقف بالبنطلون والقميص وغرقان ډم!!
بص علينا وأول ما شافني جري زي المچنون وهو بيحاول يطلعلنا 
هايدي شدتني من شعري 
صوتي مكانش طالع!! فضلت أعيط وأصرخ جوايا من الألم 
وقفت ضړب مره واحده لما سمعنا تميم بيقول_
سيبيها يا هايدي 
لفيت بوشي عشان أشوفه بس الدموع منعت عني الرؤيه 
سمعتها بتقوله_
عايزها! يبقى تجيب حقي اللي سرقته مننا انت وابوك 
رد عليها وقالها_ انا مسرقتش حاجه! دا ورث أبويا وحقه وهو خده أبوكي اللي كان عايز ياخد كل حاجه 
فتحت عيني براحه وشوفتها ماسكه مسډس وموجهاه ناحيه تميم اللي وقف رافع إيده لفوق قالتله بعصبيه وتوتر_
أبويا الإبن الكبير وكان ليه الحق ياخد كل حاجه أبوك اللي طمع وقسم معاه 
تميم قالها وهو بيقرب بهدوء_ طب نزلي المسډس وهنتفاهم 
إتفاجئنا كلنا بصوت سرينه البوليس داخله علينا بصيت على هايدي اللي قالت برعب_
لو ھموت مش ھموت لوحدي 
وإتفاجئت بيها جريت عليا وشدتني بسرعه ورمتني من فوق الجبل 
الفصل الثاني عشر من هنا
وإتفاجئت بيها جريت عليا وشدتني بسرعه ورمتني من فوق الجبل 
فتحت عيني لاقتني نايمه على السرير!! وتميم بيغير هدومه جنبي 
بصيت حواليا لاقتني في أوضتي انا وتميم الجديدة
قولتله وانا بمسح العرق اللي على وشي_
تميم ايه حصل
قالي وهو بيقلع الجرافت_ ياااه أخيرا فوقتي 
قولتله وانا بحاول أجمع أفكاري_
هو انا كنت بحلم!!
قالي وهو بيديني كوباية ماية_
شكلك حلمتي بحلم
ژبالة خدي أشربي 
شربت بوق مايه وقولتله_
هو مش انا كنت مخطوفه!!
قالي بصدممه_ مخطوفه
قولتله وانا بخبط بإيدي على راسي_ مش انت ضربتهم وطلعت تنقذني من الجبل!!
قالي وهو بيبرق_ جبل ايه! يبنتي احنا كنا راكبين العربية ومروحين وانتي نمتي
في الطريق!! جيت افوقك عشان نطلع قعدتي تقوليلي مش وقت هزار يا سالم وجي بي إس وتكتمي بقك انا
قولت انتي جالك صرع وخدتك ودخلنا وأهلك روحوا 
اتنهدت وقولت_ الحمدلله دا حلم ژبالة ايه الأوڤر اللي انا فيه دا
قولتله وانا ببص على لبسي_ مين غيرلي الفستان!
غمزلي وقالي_ تفتكري مين
ضړبته وقولتله_ انت يا
معفن 
قالي وهو بيقوم_ يا ستي أقعدي أمك اللي غيرتلك انا رايح اخد دوش 
قولتله بتذكر_ أومال ايه الرسايل اللي كانت بتهددنا دي!
لفلي وقالي_
هو انا مقولتلكيش!
_لأ مقولتليش 
_مش انا لاقيت اللي كان بيبعت الرسايل دي 
_بجد مين
_حازم اللي
طردته من الشغل عشانك ساعه الحفله 
_ياااه وعملت في ايه!
_متشغليش بالك 
_طب سؤال 
_نعم 
_هيا البت الصفرا اللي كانت جنبك في الحفله قريبتك
_لأ ليه
ضحكت على خيال الواسع وقولتله_ مفيش حاجه 
قالي وهو بيخرج_ هروح انا بقا ومش هعوق 
قومت وبصيت على نفسي في المرايا ايه الحلم المرعب دا!!
بس إزاي بجد مجاش في بالي ان الحلم أوڤر!! وجبل وكلاب وسالم سابني وجري ايه كل دا 
فتحت موبايلي ورنيت على سالم جالي الرد وقالي_
الو 
_ايه يا سالم 
_ايه يا عروسه مالك!
_مفيش انا كنت بطمن عليك 
_بتطمني عليا دلوقتي تميم فين
_بياخد دش 
_اااه عشان كدا فاضيه طب اقفلي دلوقتي عشان انا في معاد مهم 
_معاد ايه دا
_معاد مع بسنت 
_بسنت صاحبتي انت بتشقطها
_يا ستي أقعدي هيا اللي وقعتني إن شاء الله هنحصلكم قريب بس في مشكله 
_ايه
_هيا هبله أوي 
ضحكت وقولتله_ طب أسيبك بقا مع الهبله 
قفلت معاه وبصيت في السما وانا بشكر ربنا إن اليوم عدا على خير 
لفيت لما لاقيت تميم داخل بالبرنس وبيفرك شعره بالفوطه 
قولتله وانا بربع إيدي وببتسم زيه_
على فكره عيب إني اشوفك كدا 
قالي وهو بيقرب_
بقا كدا
_أيوا 
جري ورايا وقالي_
طب تعالي بقا!!
تمت بحمدالله