زواج مزيف بقلم سولييه نصار
وأنا مستحيل أطلقها... أنت أخويا علي عيني وعلي رأسي لكن عند مراتي تقف وتلزم حدودك فاهم.
حسيت علي هيتجنن وبص لابوه وقال
قول حاجة يا بابا عاجبك اللي بيحصل ده
محدش قالك أهرب يا علي والبت مش عايزاك وأنا مقدرش اجبرها عليك...
قرب علي مني شوية فشديت ايد سليم أكتر وحسيت بالأمان... بص علي علي أيدي اللي ماسكة ايد سليم وقال بحزن
أنت اللي هربت
خفت يا زينب خفت من الجواز والمسئولية بس بعدين ندمت لما عرفت أنا خسړت ايه.
ابتسمت وقلت
بكرة هتلاقي اللي احسن مني بس أكيد مش أنا لأن أنا دلوقتي عارفة قلبي فين... قلبي مع سليم معرفش حصل أمتي بس حصل
مفيش احسن منك يا زينب... متقلقيش مش هزعجك تاني...
ومن وقتها تعامله معانا بقا بحدود حتي لما خطب بنت تانية... بس مش مهم أنا حاليا مبسوطة بعيلتي الجديدة جوزي سليم وبنتي الصغيرة ملاك... بصيت لملاك النايمة بسعادة وأنا بشكر ربنا كل يوم أن اداني راجل زي سليم وبنت زي ملاك... عيلتي الجميلة بوست ملاك وخرجت لقيت سليم واقف في الصالة مبتسم... سليم اللي كان بيبتسم نادرا دلوقتي ضحكته بقت من الودن للودن وبيقولي أن ده بسببي
طيب شغل موسيقي نرقص عليها
مسك أيدي وقربني ليه وقال
أنا هغني.
غني يا اسمك ايه عشان نشوف جمال صوتك
ضحك وهو بيغني وبيرقص معايا.... صوته كان حلو اووي بس عمري ما أقول أصل مش عدل يكون جمال وكاريزما وصوت حلو وانا صوتي لما بغني بيلم الصراصير والفيران... اتغظت وبعدته وقلت
بقا كده
أيوة كده
شالني وقال
تعالي بقا ده أنا هرميكي في بلاعة الصراصير عشان تتعلمي الأدب..
الحقوووني... لا يا سليم ابوس ايديك أعقل يا سليم.... طلقني يا سليم
ضحك وهو بيلف بيا ويقول
مچنونة بس بحبك
وأنا كمان
تمت
زواج مزيف
سولييه نصار
