انت حبيبي بقلمي فاطيما يوسف
جرحه لها
مرت الايام على حاډثه عامر وهي كانت فيهم جنبه ما سابتهوش لحظه واحده هي اللي بتأكلوا وهي اللي بتراعيه وهي اللي واخده بالها من شؤونه كلها
وهو كمان حاسس بكده لحد ما خلاص اتعافى شويه ورجعوا بيتهم
عدي يومين على رجوعه البيت ففي مرة وهي ببتحايل عليه ياكل فمش راضي وبيقول لها
_ حبيبتي كفايا بقي يانور تعبتك معايا.
_ انا مش نور أنا أمل أنا أمل ياعامر فوق بقي انا مبقتش قادرة أتحمل أكتر من كدة أنا تعبت تعبت وطاقتي استنفذت .
حس إنه غلط في شعورها جامد مفيش واحدة تقبل إن جوزها وحبيبها يناديها بإسم واحدة تانية إحساس صعب أوي إن واحدة تتحمل كدة
_ ارجوكي متخرجيش أنا أسف حقك عليا.
أخدت نفس طويل وقالت له بشرود وهي واقفة مكانها
_ كلمة أسف متنفعش إنت مدوستليش علي صباعي يا عامر إنت وجعت قلبي بالجامد ولسة مكمل .
نده عليها وهو حاسس بالذنب
_ طيب ممكن تيجي نتكلم شوية معلش يا أمل اعتبريه أخر طلب .
فراحت وقعدت جنبه فمد ايده مسك ايديها وبدأ يتكلم
_ اصبري عليا واتحمليني لحد ما انساها .
بصت جوة عيونه وسألته وهي بتبلع نفسها بصعوبة
_ كنت بتحبها أووي كدة .
داري عيونه عنها وقال لها
_ كنت بعشقها وعمري ما عرفت الحب إلا على إيديها وفجأة واحنا في عز لحظات سعادتنا ماټت وسابتني لوحدي ومن يومها وأنا بټعذب في بعادها .
فسالته تاني
_ طيب ليه اتجوزتني طالما بتحبها أووي كدة ومش عارف تعيش من غيرها ليه ربطتني بيك ليه علقتني بقلبك وحسستني بريحتك وأنفاسك لما كنت بتجي لي بالليل
كنت بتشوف فيا ايه وكنت عايز مني ايه لما هي كل حياتك حتى بعد مماتها.
_ أنا لما شفتك مع عمك مرة في الشغل قلبي خدني ليكي ووداني عندك ولقتني بطلبك ولما اتجوزتك كل يوم كنت كل يوم بطلع لك بالليل وأفضل جمبك أبص على ملامحك وأتأمل فيهم وأحفرك جوايا أكتر واكتر .
عيونها لمعو بالدموع وقالت له
_ إنت مكنتش بتبص لي وتتأمل في ملامحي عشاني أنا علشان أمل انت كنت بتطلع تبص لنور حتى الهدية الوحيدة اللي جبتها لي كانت ريحة برفانها ليه تعمل فيا كدة وټعذب قلبي معاك ياعامر طلقني ياعامر .
_ متنطقيهاش تاني انا بحبك ومقدرش أعيش من غيرك يا أمل.
قالت له
_ انت بتحب نور بتحبها هي مش أنا مش أمل ياعامر أنا مجرد صورة ليها خيال مئاتة وخلاص حكاياتنا خلصت ومبقاش ننفع لبعض أنا مقدرش أعيش معاك بالشكل ده
قلبه انقبض كل لما تجيب سيرة الطلاق وقال لها بتصميم
_ بس أنا مش هسيبك ياأمل أنا حبيتك وحبيت وجودك وهدوئك وطلتك عليا أرجوكي ساعديني ومتسبينيش .
حست بطيف أمل وقررت تستغله وتسحبه ناحيتها هي بتحبه وقالت له
_ بس تساعدني إنت كمان وأول حاجة تعملها تلغي الأوضة باللي فيها وده شرطي .
حس بڼار قادت في ضلوعه ورد عليها
_ بلاش يانور الطلب ده بالذات انا مقدرش عليه خليها مجرد ذكرى دي مجرد
صور .
اتعصبت جامد وقالت له
_دي مش مجرد صور دي بتخليك تشوفني هي وده في حد ذاته حاجة تكسرني وتقطعني من الاخر ياعامر ياأنا ياهي .
بقي حاسس پالنار هو حبها وحب وجودها وحب روحها اللي محاوطاه وقعد يتخيل إن هي كمان تمشي وتسيبه فسالها
_ حتى إنتي كمان هتمشي وتسبيني يا أمل أرجوكي إنتي الأمل اللي نور حياتي بعد الضلام أنا موافق ياأمل .
اتنططت من الفرحه وجريت على أحضانه وقالت له
لأول مرة بحبك ياعامر وبعشقك ونفسي أكمل معاك حياتي .
وحضنها عامر حضڼ الأمان والاحتواء وحب الراحة والسکينة بعد التعب .
انتهي الاسكريبت
بقلمي فاطيما يوسف
