اسكريبت الخمار

الدريس
ودخلت اقيسه من باب الفضول يعني وأشوف شكله وطلع حلو بس للاسف مقاسه كبير اوي اصل انا قصيره ومش بايه من الارض وكمان رفيعه
شوفتي شكلي مسخرهنفسي مره ألاقي حاجه مقاسي
يالهوي ھموت هههههه كل مره بتتعبنا علي لما نلاقي مقاسك
خلاص بقا ههههكده كده مش هشتري
لي بس يبنتي ده حلو اوي
ايوا بس مش محتاجه
ثواني مش انتي عندك فرح أخر الشهر اشتريه والبسيه فيه
تصدقي انا نسيت الفرح ده اصلا طب هشوف مقاس اصغر بقا
لفيت عشان أسأل علي مقاس اصغر لقيت الشاب ده واقف يبصلي اوي وفيه ابتسامه صغيره علي وشه وترتني اوي
لو س سمحت فيه مقاس أصغر
للاسف لاء بس موجود في فرعنا
التاني
طب الفرع التاني مكانه فين 
لسه هيتكلم قاطعته صاحبتي اللي مش بتعمل حاجه في حياتها غير انها تقاطع البني أدمين
معلش اكتب العنوان في ورقه اصل احنا عندنا زهايمر بعيد عنك
ابتسم وقالها حاضر وكتب العنوان وعطاني الورقه وصاحبي وأختها اشتروا الفساتين بتاعتهم وروحنا 
والحقيقه ان أنا طول الطريق بفكر في اللي حصل النهارده حاسه ان في رابط بين الورقه وبين المحل ده بس بقول عادي في ديكورات كتير باللون البمبي مش شرط يبقا له علاقه بالكتابه
بالليل وانا برتبت شنطتي طلعت الورقتين الورقه المجهوله وورقه العنوان بس فؤجئت ان الاتنين بنفس خط الايد ونفس القلم كمان
وفي اللحظه دي عرفت ان صاحب الورقه هو الشاب اللي في المحل
هو باين عليه محترم وابن ناس طب لي يعمل كده بس للاسف متوصلتش لاجابه ونمت وانا بفكر في اللي حصل
بعد يومين كنت بدأت أنسي الموضوع اصلا او بمعني أصح مكنتش بهتم بيهروحت الفرع التاني اللي هو قالي عليه وقولت هو مش هيبقا هنا اكيد لان هو شغال في الفرع الاول مكنتش عايزه اشوفه اصلا وعايزه أنسي الموضوع تماما 
بس ازاي لازم القدر يلعب لعبته اول لما دخلت المحل لقيته موجود كان واقف مع زبونه
المره دي كنت متوتره اكتر وفكرت ان اخرج ومشتريش بس شجعت نفسي وقولت هو مشغول مش هياخد باله مني ودخلت سألت شاب تاني علي الفستان اللي بقالي يومين بحلم بيه من كتر حلاوته بس صدمني وقالي خلص مش موجود
اي خلص بحزن
للاسف يا فندم خلص بس في عندنا اشكال تانيه ممكن تشوفيها
دخلت وقولت اتفرج بس طبعا الحماس اللي كنت جايه بيه راح وزعلت ان الفستان مش موجود معجبنيش اي حاجه من الموجودين هو كان حلو اوي 
وانا مروحه الشاب ده عطاني هديه من المحل 
المحل بيقدم قلم هديه عشان افتتاح فرعه الجديد اخدت القلم وكان معاه ورقه مطويه روحت لقيت مكتوب فيهايا لؤلؤ قد صان عفتها الخمار
استغرب جدا واحترت الصراحه اصل اللي كنت شاكه فيه مكلمنيش اصلا وحد تاني هو اللي عطاني الورقه وفكرت وقولت ممكن المحل بيكتب جمل لطيفه
للناس
فات شهرين تقريبا بس منستش الموضوع وكنت بفكر فيه معرفش ليه حتي كنت متضايقه من نفسي اوي عشان بفكر في حد معرفوش وكنت لسه محتفظه بالورق وتقريبا كان معايا طول الوقت بس موصلنيش اي ورق تاني
وانا مروحه في يوم لقيت البنوته الصغيره اللي قابلتها اول مره ولقيتها بتقرب عليا وبتقولي اتفضلي الورقه دي وسابتهالي ومشيت مش عارفه لي قلبي فرح 
وفتحتها وكان جواها عسي ان يكون لقائنا قريبا يا أميرتي
فضلت ماسكها في إيدي وكل شويه ابتسم 
بس لما روحت عاتبت نفسي اوي وحسيت ان اللي بعمله غلط ازاي اعلق نفسي بشخص معرفوش وازاي أحب حد من غير لما أشوفه وقررت ان هخرج الموضوع من دماغي ومش هفكر فيه ولو وصلتني اي ورقه هقطعها وهرميها ومش هفكر في الموضوع بس مهنش عليا اقطع الورق اللي معايا قلبي مقدرش 
فات شهر ورا شهر ورا شهر وانا مش بنسي وكل لما يتقدملي عريس ارفضه من غير لما اشوفه حتي لحد لما بابا زعقلي وقالي هتقابلي العريس ده النهارده ڠضب عنك هو عنده حق مهو مفيش سبب برفض عشانه كلهم ناس كويسه ومحترمه طب لي ارفضه بس انا معلقه نفسي بالمجهول
خرجت وانا باصه في الأرض وقعدت جمب والدتي وبعد شويه سمعت الجمله الشهيره نسيت العرسان مع بعضهم شويه
هتفضلي ساكته
رفعت عيني ولقيت الشاب بتاع المحل
طب اتكلمي
قولي اي حاجه
طيب يستي انا اسمي زين عندي ٢٧ سنه خريج كليه تجاره وبشتغل في محل هدوم 
ااا انا آلاء عندي ٢٣ سنه خريجه حقوق بس مش بشتغل
طب في اي أسأله
سكت ومكسوفه اسأله علي الورق بس في احساس جوايا بيقولي هو صاحب الورق
طب ممكن اعرف رأيك يا جميلتي
اول لما قال كده بصلته
راح ضحك وقاليعارف ان قولت ان اللقاء هيبقا قريب واتاخرت بس ڠصب عني
قلبي فرح اوي لما اتأكدت ان هو وابتسمت
ها نقول مبروك
ضحكت من فرحتي وقولتله أه
لقيت عينه دمعت من الفرحه وهو قاعد يقول الحمد لله الحمدلله شكرا يارب
وبعدها قالي اتفضلي دي هديه بسيطه
فتحتها ولقيت الفستان اللي من درجات البنفسج
بتهزر 
انا قولت ان اول مره تلبسيه يوم لما تتكتبي علي اسمياه صحيح اصل انا عايزه اكتب الكتاب علطول موافقه
موافقه 
ما الحب الا لمن أتوا البيوت من ابوابها فأعزوا مقامنا فأعززنا مقامهم بقبول ولين