روايه كامله بقلم سلمي تامر

المطبخ وطلعت حبيبة من اوضتها وهي لابسه بيچامه ملائمه لجسمها الممشوق وكان شكلها مبهر كالعاده
شافها كرم وانسحر بجمالها للمره اللي ميعرفش عددها الباب خبط وراح كرم يفتح لقاها سهيلة ملامحه اتحولت للضيق وبص لحبيبة اللي قاعده وراه وبعدها بص لسهيلة
_انت ايه اللي جابك ياسهيلة
سهيله بكسرة مصطنعه ونبرة حزينه وهي واقفه عالباب
_قلقت عليك لأنك اتأخرت جدا وتوقعت تكون هنا وجيت اشوفك ايه ياكرم هتسيب مراتك واقفه عالباب كده
نفخ پعنف ووسعلها علشان تدخل...دخلت بإنتصار لكن اتجمدت في مكانها پصدمه لما شافت
حبيبة اللي بصتلها بثبات مصطنع

_ايه ده ياكرم دي بتعمل ايه هنا
طلعت خديجه من المطبخ ورديت پحده
_ده بيتها ياحبيبتي وبيت جوزها خير عندك اعتراض
سهيلة پصدمه
_بيت جوزها ! وهو انت رجعتها على ذمتك ياكرم
_حاجه متخصكيش ياسهيله ولمي الليلة
حبيبة عنيها دمعت من كتر القهر والغيره ودخلت اوضتها بهدوء لأنها مقدرتش تستحمل المشهد ده هنا اتأكدت انها فعلا وقعت في حبه لكن بعد فوات الاوان لأن بسبب غلطتها واحده تانيه بقيت تشاركها فيه
بعد كرم سهيله عنه واتكلم پحده
_بقولك ايه ياسهيله بلاش حركاتك دي انت عارفه ان علاقتنا هتنتهي كده كده ومش لازم كل مره افكرك يعني
اتغاظت جدا من رده علشان كده اتكلمت پغضب
_طيب ياكرم براحتك بقا انا خلاص جبت اخري
اتجهت ناحية الباب وفتحته ونزلت پغضب شديد وهزيمه جالها مكالمة تليفون ورديت بحدة
_نعم عايز ايه
_فينك.. وحشتيني
_بقولك ايه ابعد عني ياشادي وكفاية العك اللي كان بيحصل ده لو عايزني فعلا تعالى اتجوزني وهطلق من جوزي
ضحك شادي بسخرية
_اتجوزك! انت هبله يابت ولا ايه انت كنتي مجرد تسلية مش اكتر يلا غوري سديتي نفسي
اتكلمت پخوف وفزع
_استنى ياشادي ابوس ايدك انا حامل..ومينفعش اقول ان اللي في بطني ابن كرم لأنه لحد دلوقتي ملمسنيش
اتوتر شادي جدا من اللي سمعه واتكلم پغضب
_نهار ابوكي اسود ده حصل ازاي ده انا لو مراتي عرفت هتطين عيشتي
_الغلط غلطك زي ماهو غلطي ولازم تشيل معايا الليلة
شادي فكر شويه وبعد كده اتكلم بغموض
_طب اقفلي دلوقت يا سهيلة وانا هتصرف
كرم دخل لحبيبة لقاها قاعده عالسرير وسرحانه قرب منها واتكلم بإعتذار
_حبيبة انا اسف جدا على اللي حصل 
بصتله واتكلمت بلامبالاة مصطنعه
_عادي يعني ياكرم وهو ايه اللي حصل دي مراتك يعني مش حد غريب والمفروض مضايقش
حس بضيق لما قالت الكلام ده وانه مش فارق معاها وهي لاحظت تبدل ملامحه ده لكن محاولتش تبرر موقفها وسكتت
_في فين ماما خديجه
_دخلت اوضتها تريح شويه
بصتله بتساؤل 
_وانت هترجع بيتك دلوقتي صح
بص في عينيها وسألها بشرود
_عايزاني اروح ياحبيبة
معرفتش تجاوب على سؤاله واتكسفت تقوله انها محتجاه جنبها النهارده لأنها مش متعوده على وجودها في البيت ده لكن فضلت السكوت لأنها مش عايزة تبقى تقيلة عليه خمن كرم سكوتها على انه رفض لوجوده علشان كده ابتسم بحزن وقام وقف 
_ردك وصلني ياحبيبه انا ماشي ولو احتاجتي حاجه كلميني
طلع من الاوضه بخطوات سريعه وهو حاسس بإحساس الرفض من حبيبه للمره اللي ميعرفش عددها وحس ان قلبه خلاص مبقاش حمل ۏجع تاني منها لكن وقف في مكانه پصدمه لما سمععا بتنادي عليه بخجل
_كرم
لف بسرعه لقاها واقفه بتبصله بنظرات مقدرش يفسر معناها قربت منه واتكلمت بهمس خجول
_متمشيش ياكرم..خليك معايا النهارده انا محتجاك جنبي
ابتسم بفرحه من جملتها وسألها بخبث
_النهارده بس
فجأه ردها واللي كان انها هزيت دماغها بنفي وهي بتمسك ايده
_لأ ياكرم مش النهارده بس انا عايزاك جنبي على طول انا مش عارفه ايه اللي بيحصلي بس انا في حاله غريبه جدا اول مره تحصلي من ساعة ما انت دخلت حياتي انت كملت حاجات كتير فيا ناقصه وبتغير فيا صفات كتير وبتحاول تعمل مني انسانه جديدة مفيهاش عيوب وده سبب كفيل يخليني... يخليني احبك ياكرم انا مبقتش بقدر استحمل غيابك دقيقه ومبقتش اقدر اشوفك مع حد غيري وبحس اني بتقطع من جوايا 
صډمه اعترافها المفاجئ لكن حس ان اللي كان خاېف منه حصل حبيبة حبيت حبه ليها والامان اللي بيديهولها محبتهوش هو علشان كده ملامحه اتبدلت للحزن والضيق
لاحظت حبيبة تحول ملامحه ده علشان كده قربت منه اكتر وحطيت ايديها على خده وهي بتبص في عينيه بحب
_ولأ ياكرم..مش بقولك كده بسبب اللي انت عملته بقولك كده علشان ده فعلا احساسي ناحيتك ومن قبل ما خالي ياخدني اصلا من بعد آخر مره اتقابلنا لما كنت بحاول انت حر
وانا مشاعري كلها اتلغبطت وحسيت بإحساس اول مره احسه معاك وبقيت بشوف نفسي بعيونك انت كرم انت بقيت حاجه كبيره اوي في حياتي ومبقتش اقدر استغنى عنك انا بحبك يا كر...
مكملتش آخر كلمه بسبب اقترابه منها بشوق ولهفه لأن بسبب كلامها صحيت كل مشاعره ناحيتها واللي مبقاش قادر يسيطر عليها 
مراتك بتخونك وحامل مني..لو عندك ريحة النخوه اقت..لها واخلص من العاړ اللي سببتهولك انت وعيلتها
نفض الغطا عنه پعنف وقام يلبس هدومه وهو مش شايف قدامه من العصبيه وحبيبه قامت وراه وهي بتحاول تهديه
_كرم اهدى ممكن يكون بيضحك عليك
مردش عليها وكمل لبس
قربت منه تمنعه زقها پعنف وصړخ فيها
_ابعدي عني انت كمان قسما بالله لأقتلها بنت ال... دي
بعدت پخوف وهي بتبصله بدموع وقلق وحسيت انه في حاله مش طبيعيه
مشى كرم من قدامها وهي لبست بسرعه وراحت وقررت انها تروح وراه لكن لقيته اتحرك بعربيته بسرعة البرق نفخت بضيق واستنيت تلاقي تاكسي يوصلها بعد شويه لقيت تاكسي وركبت فيه لحد ما وصلت البيت طلعت السلالم پخوف وقلق لحد ما وصلت لشقة كرم لقيت الباب مفتوح زقته ودخلت لكن اتجمدت مكانها لما شافت سهيله واقعه عالأرض وفي سكي نه مغروزة في نص قلبها وكرم واقف قدامها بجمود ملحقتش تقول اي حاجه لأنها لقيت البوليس وراها والظابط اتجه ناحية كرم وبص لسهيلة وبعد كده بصله بحدة واستحقار واتكلم بأمر للعساكر
_خدوه عالبوكس
كرم كان في صډمه ومش قادر ينطق منها وكل اللي بيعمله انه بيبص لجث ة سهيلة بعدم تصديق
بعد مرور ساعتين حبيبة وخديجه اللي كلنت مڼهارة كانوا واقفين قدام القسم اللي فيه كرم وخديجه بتكلم المحامي پبكاء
_انا ابني ميعملش كده اكيد فيه حاجه غلط
_اهدى يامدام ولو ابنك مظلوم هطلعه في خلال يومين زي الشعره من العجينه مش عايزك تقلقي
_اقسم بالله ما هيشوف النور طول منا عايشه المچرم ده
قالتها والدة سهيله پبكاء وهي بتقرب عليهم پغضب
_ابنك عمل كده في بنتي علشان يخلص منها ويعيش مع مراته اللي بيحبها صح
خديجه بنفي لأختها
_والله العظيم كرم ما عمل كده انت ازاي قدرتي تصدقي حاجه زي دي يا منيرة
_علشان هو محبهاش وكانت كل يوم تيجي تشتكي منه وتقول انه بيعاملها وحش ياريتني ما جوزتهاله منك لله ياخديجة انت وابنك منكم لله
حبيبه كانت ساكته ومش حاسه بأي حاجه بتحصل حواليها وكل اللي كان في دماغها مشهد سهيله وهي واقعه على الارض وكرم واقف قدامها
بعد ما مشيت منيرة بعيد عنهم خديجه بصيتلها
_متعرفيش حاجه عن اللي حصل ياحبيبة
مسحت دموعها واتكلمت بإرهاق
_كرم جاله الصبح رساله ان سهيلة بټخونه وبعدها جاله صور ليها مع واحد غريب اتعصب جدا وراح بيتها وانا لبست وروحت وراه ولقيت سهيلة حصل فيها كده
فكرت خديجه في الكلام واتكلمت پغضب
_كل ده مدبر لأبني وفخ معموله علشان يلبس القضية دي
هزيت حبيبة دماغها بتأكيد
_بالظبط كده واللي عمل كده اكيد ابو البيبي اللي في بطن سهيلة
_انا رايحه اقول للمحامي على كل حاجه واكيد هو هيعرف يحل الکاړثة دي والمعلومات اللي قولتيها دلوقت هتفيده
حبيبة طلبت من الظابط انها تشوف كرم وواقف بعد مناهدة اول ما دخلت كان قاعد على الكرسي وماسك دماغه وعيونه حمرا قربت منه ورفعت وشه ليها واتكلمت بدموع وحزن
_كرم ساكت ليه.. سكوتك ده غلط..دافع عن نفسك واقولهم انك بريئ وملحقتش تعمل كده اصلا
_مش قادر اقول حاجه ياحبيبة منظرها مش بيروح من بالي
عدى يومين وكرم طلع من الحجز بعد ما ظهرت برائته للكل وشادي اتمسك بعد ما وشه بان في الكاميرا اللي في البيت وعرفه يمسكوه واعترف بكل حاجه
كرم اول ما وصل البيت خديجه وحبيبة تستقبلوه بفرحه لكن هو مكنش مهتم بحد وكان داخل في حالة اكتئاب شديدة بسبب اللي حصل ودخل اوضته بصوا لبعض بحزن وخديجه شاورت بعنيها لحبيبة تدخل وراه هزيت دماغها بموافقه وفتحت الباب ودخلت الاوضة وقعديت قدامه واتكلمت بتساؤل
_مالك ياكرم..حبيبي انت ملكش ذنب في اللي حصل ده قدرها
اتكلم بحزن وصوت مبحوح
_حاسس اني السبب ياحبيبة انا اهملتها ومكنتش بسأل فيها بس والله العظيم كنت ناوي ابدأ معاها حياة جديدة واحاول احبها قبل ما اعرف اللي عملته لكن بعد ما عرفت مقدرتش اكمل اصل ازاي اثق في واحده زي دي
_هي عملت ايه
_فاكره اليوم اللي اتهجمت عليكي فيه انا مكنتش شارب حاجه بمزاجي هي خدرتني علشان انفذ اللي في دماغها وكنت بتصرف بعدم وعي
برقت عينيها پصدمه من افعالها وكرم كمل كلامه
_خايف اكون ظالم ياحبيبه
_لأ ياكرم انت مش ظالم هي غلطت واخدت جزائها من عند ربنا اوعى تلوم نفسك على غلطات غيرك
فضلت تهديه لحد مانام وطلعت من اوضتهم بحزن عليه
شافتها خديجه وراحتلها بلهفة
_بقى كويس ياحبيبة
هزيت دماغها بنفي
حالته صعبه جدا
_ياحبيبي يا ابني منك لله يابنت منيرة مش سايبه ابني في حاله حتى في مماتك
_خلاص ياماما بقا الله يرحمها بقا بلاش نجيب سيرتها خلاص هي صفحه واتقفلت بالنسبه لكرم
فكرت شويه وابتسمت بخبث
_انا عارفه هعمل ايه واطلعه من اللي هو فيه ده ازاي
بعد كام ساعة تليفونه رن بص للمتصل لقاه حبيبة رد بإستغراب
_بتتصلي ليه انت مش في البيت
حبيبة بصوت تعبان
_الحقني ياكرم انا وقعت وتقريبا رجلي اتكسر ت 
قام بخضة ولهفة
_ايه! طب انت فين اصلا
حبيبة پبكاء
_انا في شقتنا
_متتحركيش من مكانك ومسافة السكة هبقى عندك
_حاضر
وصل بعد شويه ووقف قدام باب الشقة بتردد افتكر لما جيه البيت آخر مره وفتح الباب ولقى سهيلة واقعه في الارض حاول يشيل الذكريات دي من دماغه وافتكر مراته اللي محتجاه دلوقت فتح الباب ودخل وندى على حبيبة بقلق
_حبيبة..حبيبة انت في...
قطع جملته لما لقاها خرجت قدامه وهي لابسه فستان ابيض مكشوف وماسكه بوكيه ورد في ايديها وعامله تسريحه بسيطه وحاطه ميكب بصلها بإعجاب وانبهار بجمالها اللي عمره ما قل بص للبيت لقاه متزين بطريقة جميله وطله ورود ورجع بص لحبيبة واتكلم بضحك
_ايه كل ده 
قربت منه واتكلمت بحب
_قررت اننا نعيد يوم فرحنا من تاني يمكن المره اللي فاتت كنت مش مبسوطه ومتلغبطه واليوم مكنش مثالي بالنسبالنا 
_بجد ياروح قلب كرم
وبعدها عنه وبصلها بإعجاب
_بس ايه الجمدان بقا ده
لفيت قدامه بالفستان واتكلمت بسعادة انها قدرت تخرجه من الحاله اللي كان فيها
_ايه رأيك 
قرب