هوس اربعينى بقلم نورا عبدالرحمن
اليه پصدمه و غيض انت بتضحك عليا..عملت كده ليه حرام عليك
عمر وهو يحاول عدم الضحك عايزاني اعمل ايه وانتي نومك اعوذ بالله مش هتصحي بسهوله..
شروق بتعب هو في حد بيصحي حد كده.
والله الطريقة الوحيده اللي ماشيه معاكي وهتصحيكي ولو شلتك وطلعتك هتزعل فقلت اتصرف واصحيكي كده ليكمل بضحك بس ايه والله شكلك كان مسخره..لټضرب كتفه بغيظ بس بقى كفايه تريقه لتنظر الى ابنتها ولم تجدها لتقول بقلق مريم مريم فين.
عمر اهدي مريم طلعتها اوضتها..ويلاا بينا احنا كمان نطلع عشان نلحق نرتاح شويه عشان ھموت مالتعب وعايز انام..ليصعدنا غرفتهما وسط سخريه عمر منها وابتسامتها غير ملاحظين تلك العيون الحاسده التي تراقبهما ..
اما شروق فكذلك نامت على الاريكه بعد ان اطمىنت على مريم لياتي الصباح ويستيقض
عمر على رنين هاتفه..
حمل هاتفه بتعب وتململ ليجيب على المتصل لينهض بفزع وصدمه فور معرفته بي...
اسرع عمر ليغتسل بعد ان ابلغوه بحدوث مشاكل في عمله بألمانيا وقرر السفر فورا...
خرج يجفف شعره بسرعه متناسيا وجود شروق لتصدم الاخرى برؤيته
أدارت وجههها عنه بحرج .
عمر اسف افتكرتك لسه نايمه ...
شروق بارتباك انا هروح اشوف مريم وانت خود راحتك ..
عمر وهو ياخذ ثيابه من الخزانه لا خليكي هغيير بالحمام وننزل مع بعض ..
ليتجه الى الحمام ويتكلم بجديه قلت خليكي هنا عايزك بكلمتين ..
ليدخل الى الحمام غير منتظر ردها.
شعرت الاخرى لاول مره بجديته في الحديث لتجلس وتنتظره..
لم يمضي الكثير من الوقت حتى خرج عمر من الحمام .
وقد ظهر عليه الضيق ليتجه الى المرأة ويرتدي الساعه ويتحدث معها بهدوء..
اجهزي بسرعه عشان هننزل نسلم على جدي والعيله عشان انا مضطر امشي دلوقتي..
شروق بتوتر هو في حاجه حصلت شكلك متعصب.
عمر تنهد بضيق ليقول بهدوء و قد جلس على السرير حصل شوية مشاكل بالشغل برر ومضطر اسافر عشان اصلح الوضع هناك..
شروق ربنا معاك ..
شروق حاجة ايه..
عمر حسام اخويا..
شروق ماله..
عمر حسام اخويا الصغير هو هادي جدا ومش بتاع مشاكل وكل حياته مكرسها لشغله وبيته..
شروق طيب انت بتقولي الكلام ده ليه..
عمر عشان مراته بتاعت مشاكل واحتمال تضايقك او
تحرجك مش عايزك تحتكي بيها ابدا ولا تتعاطي معاها..فاهمه..
شروق ليه وهي هتعوز مني ايه..
عمر يعني هتكون عايزه ايه ياشروق متفهمي بقولك الست بتاعت مشاكل ومتسيبش حد بحاله فهمتي..
شروق...
عمر حبيت انبهك ان حسام مش بس اخويا الصغير هو اخويا الوحيد وزي ابني فهماني ..
شروق متقلقش اخر حاجه افكر فيها اني اعملك مشاكل مع عيلتك..
شرووق جاهزه.....
عمر يلاا بنا ننزل..
شرووق استنى ياعمر ممكن اطلب منك طلب..
وقف عمر ونظر اليها ..
شروق بحرج عايزه اروح انا ومريم اطمن على عم محمود عشان وحشني اووي..
عمر وده طلب يتطلب اكيد الوقت اللي حابه تزوريه بيا تروحيله ..وانا هبلغ السواق يوديكي هناك امتى ماحبيتي..
شروق متشكره ..
عمر قولنا ايه بلاش متشكره تاني.
شرووق انا اسفه..
عمر بابتسامه وهو مخټنق الظاهر انك هتتعبيني لحد متتعودي عليا مش اتفقنا بلاش اسفه وشكرا ..
شروق اومأت برأسها..
عمر يلاا خلينا ننزل دلوقتي..
شرووق ممكن اعدي على مريم اشوفها الاول..
عمر تنهد ماشي هنعدي عليها الاول..
لتبتسم الاخرى..
عمر على فكره ضحكتك حلو اووي..
شروق وقد احمرت وجنتيها وشعرت بالارتباك.. احنا مش هننزل
عمر بابتسامه ماشي ياام مريم ...
زين في طريقه الى منزل عمر علام
اعلن هاتفه عن اتصال..
اوقف السياره وتنهد بضيق ثم أجاب.
زين الووو.
زين صمت للحظه وهو يستمع لأنفاس المتصل ليقول بهدوء مين معايا..
زين هتفضلي ساكته كتييرر.
زين بتتصلي ليه دلوقتي.
زين ماشي براحتك مترديش ليغلق الهاتف ويرميه بجانبه ..
ليضرب المقود بيده وهو يقول بغصه وڠضب راجعه ليه دلوقتي عايزه مني ايه يارب ..يارب معدش فيا حيل يارب....
الحج حسن الف حمدالله بالسلامه .
عمر الله يسلمك ياحج..
دخل حسام بابتسامه وهو يعدل نظارته الطبيه حمد الله عالسلامه ياعرسان..
عمر الله يسلمك..
الحج حسن هااا اتبسطتوا .
عمر اه الحمدلله اتبسطنا اوووي..
الحج حسن وانتي يابنتي مسمعتش صوتك عامله ايه وعمر عامل معكي .
شروق بابتسامه الحمدلله ياحج بنعمه من ربنا..
الحج حسن الحمدلله ربنا يديم النعم يابنتي..
لتسرع اسيل الى عمر وتعانقه ابيه عمر وحشني اوووووي اوووووووي الف حمد الله بالسلامه.
عمر الله يسلمك ياحبيبتي وانتي وحشاني اووووي.
اسيل وهي تتلفت هي مريومه فين..
شرووق لسه نايمه..
اسيل دي وحشاني اوووي .
ابتسمت شرووق بسعاده لان ابنتها تلاقى ترحيبنا من اسيل .
جلس الجميع على مائدة الطعام ليحضر زين ويرحب بعمر وشروق..
زين والله كان قلب حاسس انك راجع النهارده وحشني ياصاحبي..
عمر وانت اكتر ..
ليهمس له زين ياعموررهه تلاقيك حتى مالحقتش تفكر بحد وغرقان بالعسل..
عمر بنفس الهمس وبغمزه اللهي يتعمي قلبك وتتجوز انت كمان عشان ټغرق بالعسل يابن عمتى.
زين لاااا انا مش بتاع جواز..
عمر بهمس وضحك مش بتاع جواز ولا بتاع عك ولا صحوبيه اومال بتاع ايه انا بدأت اشك فيك يازينووو .
زين بضحك ايه خاېف على روحك مني...
عمر بمزاح متفكرش فيا حتى ..
زين يابني اتلهي ده وانت عارف اللي فيها..
عمر بجديه ياعم اللي فيها انك مكبرها بزياده الدنيا مليانه بس انت فتح عنييك الجميله دي وهتلاقي ست ستها..
زين بضيق بلاشش السيره دي عشان تخنقني...لينظر الى اسيل ويلاحظ فستانها القصير..
ليقول زين اي ده يااسيل..
اسيل في ايه ياابيه..
زين پحده انا كم مره قلتلك بلااش اللبس ده انت مبقتيش صغيره .
اسيل بس يابيه..
زين مبسش تطلعي دلوقتي تغييره..
اسيل بضيق مش هغييره وانت مالك انا عاجبني لبسي..
زين وهو يضرب الطاولة بيده پغضب اقسم بالله لو مغيرتش لاكون مزعلك ومفيش خروج للكليه النهارده..
لتنظر الى جدها وتقول بتذمر عجبك كلامه ياجدوو.
الحج حسن اسمعي الكلام يااسيل.
اسيل بس ياجدوو..
الحج حسن اسمعى كلام ابن عمتك.
لتنظر الى عمر وحسام بضيق ..
حسام تجاهلها بابتسامه ليقول اهو جااا اللي هيضبطك..
اسيل بتذمر ايه يابيه انت بتقول ايه .
عمر انا من رأي زين انت كبرتي خلاص واللبس ده مش مناسب ليكي..وكنت هتكلم بالحكايه دي قبل مازين يتكلم.
اسيل يا اببيه انت كمان.
زين مش هنبطل رغيي بقى ونخش نغيير..
لتنهض بتذمر ماشي دلوقتي كلكم بقيتوا ضدي ماشي..
ليبتسم الجميع عليها..وقد غادرت بغيظ
عمر انا مضطر اسافر النهارده ياحج..
لياتيهم صوت ندى ايه لحقت تزهق ياعريس..وهي تجلس بجانب حسام..
الحج حسن بتجاهل احنا مالحقناش نشوفك يابني عشان ترجع تسافر من تاني..
عمر انت عارف الشركه بتاعتي انا تعبت لحد ماوصلتها للمكان ده وامبارح بلغوني بمشاكل حصلت هناك..
ندى وهي تنظر لشروق الظاهر في حد قدمه شرر علينا..
ليلكزها حسام لكي تسكت لكنها نظرت اليه بغيظ..
عمر بتجاهل كنت حابب اخد شرووق معايا بس هي رفضت ..مش هوصيكم عيلها..
الحج حسن في عنيا يابني بس الناس هتجي تبارك مش هتأجل سفرك شويه كمان..
عمر انت عارف انا تعبت قد ايه لحد ماوصلت الشركه للمرحله دي..
الحج حسن ربنا معاك يابني وينصرك ويحلها من عنده..
لينهض عمر ويقبل رأس جده وقام وودع الجميع.
عمر خدي بالك من نفسك ومن مريم ولو احتاجتي حاجه كلميني ..وانا ان شاء الله مش هتأخر..
شروق بتوتر من نظرات الجميع لها لتقول بهمس وهي محرجه ربنا معاك وترجع بالسلامه.
لتخرج اسيل ايه ياابيه انت بجد هتسافر انا ملحقتش اشوفك..
عمر قبل جبينها معلش ياحبيبتي ان شاء الله مش هتأخر..خدي بالك من نفسك واسمعي الكلام..
لتنظر الى زين وتقول بغيظ كده كويس ياابيه..
زين هو مش كويس اوووي وضيق بس ماشي مش هعلق عليه دلوقتي..
اسيل بغيظ ياسلام..
عمر بضحك يلاا ياعم كفايه عشان متزعلش اسيل اكتر من كده ..
زين ماشي يلاا بينا
ليغادر عمر وزين ولكن اوقفه صوت شروق تناديه..
شرووق استنى يا عمر .
توقف عمر وانظار الجميع توجهت اليها
لتقترب منه بارتباك عايزه اكلمك ثواني بس لوحدنا..ممكن
عمر اه ممكن اطلعي وانا هحصلك..
صعدت شروق الى غرفتها ليتبعها بعد ان اخبر زين بانه سيتبعه..
خرج زين ينتظره بالخارج وصعد عمر خلف شرووق.
التقى زين بالعم محمود بالخارج وسلم عليه وكانت معه رحاب التي تنظر الى زين باعجاب شديد لا يخفى على احد..
رحاب ازيك يازين بيه..
زين وقد نسي اسمها الحمد لله و انت عامله ايه..
رحاب وهي تنظر اليها بتمعن الحمدلله بقيت كويسه دلوقتي..
زين بحرج من نظراتها طب استاذن انا..
رحاب بتسرع ليه بس ..احم انا اسفه مكنش قصدي..
الحج محمود بابتسامه وحرج يلاا يابنتي هنتاخر..
رحاب وهي تمشي مع العم محمود وتلتفت لتراقب زين ماشي ياعمي بعد اذنك يازين باشا...
زين بضحك لنفسه البنت دي عبيطه والا ايه...ربنا يثبت علينا العقل يارب..
دخل الحج محمود ليسمع صړاخ عمر الغاضب من غرفته هو وشروق وانا قلتلك لأ يعني لأ ياشروق ايه انت مش بتفهمي..
شروق ...
شروق ليه بس انا حابه افضل عند عم محمود لحد مترجع.
نفخ عمر بضيق ليقول بهدوء انت شايفه انك تباتي ببيت طليقك دي حاجه طبيعيه..
شروق ده بيت عم محمود ياعمر وادهم مش هنا ومش هيرجع تاني.
ضم قبضته پغضب وحاول ان يهدئ ليقول من بين أسنانه وانا قلتلك لا ياشروق مفيش مبيت برااا بيتك تمام كده ..سلام دلوقتي..
لتمسك ذراعه محاولة التحدث عمر والنبي انا مش مرتاحه هنا وانت هتسافر وتسيبنا لوحدنا .
لكنه أمسك يدها وضغط عليها ليقول هسافر وانت تروحي تباتي بررا بيتك شايفه ده طبيعي يابنت الاصول .
شرووق...
ليقول عمر وهو ينظر داخل عينها پحده ارعبتها انا هتغاضي
عن طلبك ده وهنساه كأنوا ماكان. .. ماشي ..
شروق پخوف من نظرته انا بس كنت..
عمر لاحظ ارتباكها وخۏفها ليترك يدها بهدوء وحاول ان يتمالك نفسه ليتكم بهدوء لكي لايخيفها اكثر زي ماقلتلك بالوقت اللي تحبي تزوريه هيوديك السواق هناك انما مبيت مفيش براا بيتك ماشي...
هزت رأسها بهدوء..
عمر انا همشي عايزه حاجه تانيه..
لتهز رأسها بالنفي..
عمر طيب تعالي انزلي معايا وافردي وشك عشان صوتنا طلع ومش عايز العيله تفتكر اننا اتخانقنا.
تتبعته ..لكنه اوقفها ليقول هتنزلي كده..
شروق كده ازاي ..
عمر وانت مكشره كده..
شروق مش مكشره..
عمر بابتسامه لا والله..
شروق انت هتتاخر خلينا ننزل..
عمر لا مش ..لتقاطعه اسيل تطرق الباب وتبلغهم بان العم محمود ورحاب وصلوا لتتسع ابتسامتها وتحاول النزول بسرعه لكنه امسك يدها بابتسامه وهو يقول لاسيل انزلي انتي ياحبيبتي واحنا هنحصلك
اسيل ماشي يا ابيه بس متتاخروش لتنزل الاخرى
شروق مالك ماسكني كده ليه..
عمر لما سمعتي بعمك وصاحبتك الابتسامه بانت هو في كده افترى يابنتي ..
شروق انا ... انا بس..
عمر ماشي ياشروق بس مش لازم تشكريني الاول..
شروق اشكرك على ايه..
عمر عشان عم محموده هنا..
شرووق مش فاهمه .
عمر انا اتصلت بيه وبعتله السواق يجيبه..
شروق بجد .
عمر ايواا بجد .
شروق طيب لو اذا كان
كده ممكن افهم ليه معترض على مبيتي عنده.
عمر بتكشيره دي حاجه ودي حاجه تانيه متنسيش انك
