روايه قلوب مظلمه بقلم سولييه نصار
المحتويات
سايبة مذكراتها وبتحاول ترتب على قد ما تقدر...
بس يا امي هي لسه تعبانة
اتعصبت أمه وقالت
تعبانة ايه يا واد ما خلاص خفت وبقت زي الج ن..أيوة انت افضل دلعها كده لحد ما تدوس عليك وتتمرد علينا...يعني ايه عايز البيت يكون زريبة بالشكل ده..
اتنهد صلاح بقلة حيلة وقال
حاضر يا امي...حاضر...
تاني يوم صحاني صلاح من النوم وقال
انزلي يا غزل امي عايزاكي وراكي شغل كتير تحت....
قمت پغضب وقولت
مش نازلة تحت أنا مش خدامة عند حد...بسبب امك أنا خسړت ابني عشان كده من النهاردة أنا مليش الا أرتب البيت ده لاما كده لاما نعيش برة بعيد عنهم..لكن امك دي ډمرت حياتي
اتكلمي كويس عن امي يا غزل....أنا همشي دلوقتي لو عرفت انك منزلتيش يا ويلك...
وبعدين مشي وسابني...
جه صلاح من شغله وفضلت تشتكي أمه من مراته وانها منزلتش وكمان زودت حاجات من عندها محصلتش....وقتها صلاح قرر يعمل اللي في دماغه ويربيها كويس...كلام أمه كان زي البنزين اللي وقع علي الڼار خلاه يتعصب اوووي من غزل وبدأ يكرهها...
مرت الايام وانا رافضة انزل أو اساعد يدوب بقضي شغل بيتي....صلاح بقا بياكل تحت وبعد عني وانا مهتمتش... أنا كنت متحطمة...حاسة بالذنب وبالڠضب لحد ما في يوم سمعت صوت زغاريد...
مش تباركي لجوزك..كتب كتابه علي نجلاء...
بهت وانا ببص لصلاح اللي ماسك ايد نجلاء جارته...وانا مش مصدقة قال هو ببرود
انتي اللي اضطرتيني اعمل كده...فرحي أنا ونجلاء بعد بكرة وهي اللي هتعيش في الشقة اللي فوق وانتي هتنزلي تعيشي مع امي تحت!!!
يتبع
الفصل الثالث من هنا
اتجوزت عليا
قولتها پصدمة ودموعي بتنزل...اتنهد صلاح وقال
انتي محترمتيش امي فجبت اللي يحترمها ويقدرها...قربت منه وقولت
أنا محترمتهاش !!!ده انا خسړت ابني بسببها...انت سامع نفسك بتقول ايه....ابني راح لاني كنت بخدم امك ليل نهار في الوقت اللي اختك وامك مرتاحين انا الحامل كنت بخدمهم وغير كده كنت بسمع كلام يسم البدن منها ومكنتش برضي اقولك...ده جزاتي يعني...تتجوز عليا...
هو ده اللي عندي...يالا جهزي شنطك من دلوقتي وحاجتك عشان تنزلي تحت....النهاردة هيجوا أهل نجلاء عشان يحطوا حاجتها....
وبعدين سابني ومشي نزلت دموعي وبدأت ابكي...قربت حماتي مني وبصتلي پشماتة وقالت
شوفتي بقا اخر قلة ادبك معايا عملتلك ايه...اشربي يا حلوة لما جوزك يجيب ضرتك هنا...وصدقيني يا غزل دي البداية
...سبتها ومشيت ومردتش ارد عليها
طلعت بسرعة بيتي ولمت هدومي وقررت اروح بيت اهلي...خلاص هتطلق...مش هعيش معاه...أنا مش مجبورة اعيش معاه....
زعق ابويا فيا بعد ما قولتلهم كل حاجة...
مسحت دموعي فقال
لا لا يا بنتي طلاق لا انتي عارفة المجتمع هيقول عليكي ايه هيقول انك فاشلة...انتي عارفة نظرات المجتمع للمطلقة ايه..عارفة قد ايه هتتعذبي لما تتطلقي...هتعيشي في چحيم
وانا كده عايشة يا بابا
صړخت وانا ببكي وكملت
انا بمت معاهم...دوول دمروا حياتي...
مسك بابا أيدي وقال
وانتي متسكتيش ليهم...متسيبيش حقك وتهربي...دمري حياتهم بس متطلعيش خسرانة ....انتي ليكي حقوقك متتنازليش عنها خديها من عينيهم وبالعكس انتي ارميه مش هو...فاهماني يا بنتي
وتفتكر كده نظرة المجتمع هتتغير..
للاسف لا بس علي الاقل طلعتي كسبانة حاجة...
رجعت بيتي للاسف...مقتنعتش باللي قاله بابا وفهمت أنه مش هيستحمل مسؤولية اني ابقي مطلقة...طلعت بيتي وفضيت شنطي وعلي سريري ونمت...
بعد شوية حسيت بحد بيصحيني بصيت لقيتها عيلة نجلاء كانوا بيصحوني عشان اقوم ويفرشوا هما البيت...بصتلهم ببرود وقولت
ده بيتي مش هطلع...
كلهم فضلوا يبصوا لبعض بس محدش كلمني وبعتوا يجيبوا حماتي...
طلعت حماتي وقالت
يالا يا اختي اطلعي من هنا مش ناقصين هم..
بصتلها ببرود وقولت
تؤ ده بيتي ومش هطلع خلي مرات ابنك تعيش معاكم تحت وانتوا الاتنين من سلالة السحالي وهتنسجموا مع بعض...
اتعصبت حماتي وهجمت عليا تضربني .....
بعد ساعة تقريبا...كنا في قسم الشرطة...وشي متبهدل وكلي كدم١ت بس كنت مبتسمة أن خطتي مشيت زي ما أنا عايزة...حماتي البوليس كان متحفظ عليها كانت بتترجاني معملش محضر بس انا بصيتلها ببرود...
بصلي الضابط وقال
يالا يا ست خلصيني هتعملي محضر ولا تتصالحوا...
ابتسمت وانا ببص لحماتي وطلعت بطاقتي وقولت
لا يا باشا عايزة اعمل محضر اعتداء واظنك جيت وشوفت وهي بتضربني وعايزة تطردني من بيتي!!!
الفصل الرابع من هنا
حبستي
متابعة القراءة
