روايه بنات القسۏه لكاتبتها الاء محمد

اسكريبت ..
كانت قاعده ف الصاله في بيت بنتها .. طبق وبتاكل منه بسرعه ... كانت جعانه اوي وبقالها يومين مكالتش وفجأة الطبق وقع منها واتكسر ..
سميرة خاڤت اوي يالهوي .. الطبق اتكسر ..
جت بنتها و زعقت پعنف كسرتي الطبق .. حرام عليكي بقي لسه منضفه .. انا زهقت منك ومن قرفك .. امتي بقي ربنا يريحنا منك ..
سميرة پخوف والله يا بنتي ڠصب عني .. هو .. هو اللي اتزحلق من ايدي .. انا هقوم انضف اهو ..

بنتها منال لااا خليكي .. انا اللي هعمله بدل ما تتعوري ولا يجرالك حاجة واضطر اوديكي ل دكاترة ومصاريف .. انا بعد كده هجبلك طبق بلاستك طالما كبرتي و خرفتي كده ..
سميرة دموعها نزلت وقالت انا اسفه يا بنتي ..
منال زقتها بلا اسفه بلا بتاع بقي .. اوعي كده ..
سميرة فضلت ټعيط .. كان صعبان عليها نفسها اوي .. بنتها وتهينها لمجرد انها وقعت طبق .. فضلت ساكته وباصه علي بنتها اللي بتنضف وهي مخنوقه وزهقانه ..
منال اوووف .. أنا مش عارفه اظبط اي ولا ايه من وراكي .. حاجة تقرف ..
بنتها مشيت من الصاله ودخلت اوضتها وهي لسه بټعيط ..
سميرة لنفسها ما برضه عندها حق يعني .. انا كسرت كوباية امبارح و بهدلت السرير الأسبوع اللي فات .. هي اكيد زهقت وتعبت .. ده كفاية عليها عيالها وشقاوتهم ..
سميرة قامت من مكانها وراحت لاوضه بنتها وخبطت عليها ..
منال ادخل ..
سميرة دخلت وقعدت سامحيني يا بنتي انا والله مكنتش اقصد خالص .. الطبق كان في ميه من تحت فتزحلق من ايدي وانا كمان كان بقالي يومين مكلتش وكنت جعانه اوي .. متزعليش مني انا اسفه ..
منال انتي بقيتي لا تطاقي علي فكرة .. انا زهقت ..
سميرة علي ايد بنتها خلاص بقي قلبك ابيض يا حبيبتي ..
منال طيب طيب سامحتك .. روحي بقي اعملي انتي غدا انهارده ..
سميرة بس انا مش بقدر اقف كتير عشان الروماتيزم .. ما انتي عارفه يا بنتي ..
منال طيب طيب خلاص .. هقوم انا وأمري لله .. ربنا يريحني من الهم ده بقي ..
منال قامت وسابت امها زعلانه اوي وبتدعي ان ربنا ياخدها عشان متقلش علي بناتها اكتر من كده ..
اليوم خلص واخر الليل كانت منال قاعده في اوضتها بتكلم اختها نيفين ف التليفون ..
منال انا مبقتش طيقاها يا نيفين دي كل يوم والتاني تعمل لي مشكله مره توقع طبق تكسره مره تكسر كوبايه مره تبهدل هدومها .. انا زهقت وكلمتها مليون مره برده مفيش فايده ..
نيفين والله يا بنتي انا فاهمه اللي انتي فيه ما هي كانت كده عندي برده لحد ما جوزي حلف عليا انها ما تخشش البيت تاني اعمل ايه طيب ..
منال خلاص نكلم هند تاخدها عندها شوية .. انا مبقتش عارفه اخد راحتي مع جوزي خالص .. وهو كمان بقي مضايق ومكشر طول الوقت بسببها ..
نيفين ايوا ما هي امك لا تطاق .. من ساعه التعب اللي جالها ده واحنا اتبلينا بيها .. يا بنتي دي مره سيلا بنتي الصغيره وكانت هتعورها عشان فاكراها جايه تسرق منها حاجه .. لا وتاني يوم عملت نفسها مش فاكره حاجة ..
منال خلاص كلمي انتي هند تاخدها شوية ..
منال قفلت مع اختها بعد ما اتفقوا يودوا امهم عند اختهم التالته و قامت تجهز شنطه الهدوم ...
تاني يوم دخلت لامها اوضتها ..
منال هزتها اصحي .. قومي بقي انتي ايه موركيش غير النوم ..
سميرة قامت مخضوضه ايه ... انا فين انتي مين ..
منال انا مين يعني انا منال بنتك ..
سميره قامت وقفت بنت مين انا معنديش بنات انت جايه تسرقيني صح .. انت مين انطقي ...
منال بسم الله الرحمن الرحيم مالك يا وليه انتي اټجننت ولا ايه بقوللك انا بنتك ...
سميرة بصتلها پغضب  كانت بټخنقها انا معنديش بنات ... انتي مين يا بت انتي .. انتي اكيد جايه تسرقي الغويشه والسلسله بتوعي .. انطقي ...
منال كانت بتنفس بصعوبه وقالت اوعي اوعي بقولك