روايه انتمي اليك

بيدق جيت ابعد ايدي هز راسه 
_لا متشليش ايدك ايدك هتفضل في أيدي طول العمر 
ايمان_صالح
ابتسم و ساق العربيه ومشينا وصلنا الكافيه و بصلي بتحذير فضحكت بصلي بڠيظ و نزل ومسك ايدي 
_بعد كده مش هتتحركي من غيري 
_يا سلام من أمتي ده 
_ من ساعه ما بقيتي مراتي
الكلمه زلزلت كياني هو حلو و كلامه حلو كده ازاي دخلنا الكافيه و قعدنا 
_هو انت متغير كده ازاي 
_ازاي مش فاهم 
_معملتك معايا 
_عشان بقيتي مراتي 
_ما انا بنت عمك 
_بنت عمي بس مش علي ذمتي مكنش ينفع اتعامل معاكي غير لما تكوني مراتي علي اسمي ساعتها اتعامل براحتي تعرفي انا كنت بكرهك زمان ضحك وانا بدور في ضحكته و كمل ..اهه والله عشان كنت شايفك قريبه من جدي اوي بس لما فكرت فيكي لقيتني بقع في حبك مش عارف ازاي وامتي بس لما كبرت عرفت أنه حړام اتعامل معاكي عشان انتي مش مراتي فقولت اتعامل كده عارفه الوقت اللي دخلت فيه المول انا لو كنت طولت الواد ده كنت موټه بس يلا اهو راح بس...بس انا عارف انك مبتحبنيش بس أنا متأكد انك هتحبيني
كنت بسمعه بزهول يعني طلع بيحبني وانا مش فاهمه بصتله ورفعت حاجبي 
_وانت واثق كده ازاي 
_عشان انا واد قمر و مفيش زي يبنتي 
_هاء ما انا عارفه 
_طيب متبصليش كده وانتي قمر وانا بضعف والله هلبسك نقاب 
_نعم نقاب !
_عارفه بعيد عن نظرتك ليه بس النقاب حلو 
_حلو ازاي 
_النقاب ده باختصار بيخفي للي لازم يخفي ليهم ويبان للي لازم يبان ليهم يعني هتختفي عن كل الناس إلا انا انا بس اللي هشوف الجمال ده كله 
_بدأت اقتنع شكلك قنوع 
_ما انا عارف اني قنوع و قمر 
_مغرور اوي 
_ عارفه انا حاطت شرط اول ما تلبسي النقاب هعرف انك بتحبيني اوي 
طلبلنا ايس كريم وقعدنا مع بعض ومقولتش اني بحبه لازم ادوخه شويه .
كل مره بدور فيه اكتر و بدأت أقرب من مرات عمي اكتر هي طيبه بس ردود افعلها سريعه شويه .
_ياسمين يلا نروح بيت عمك عشان معذومين عندهم 
_وده ينفع يا جدي 
_طبعا يبنتي انا مينفعش اروح واسيبك هنا لوحدك يلا البسي وهنروح انا وانتي و مټخافيش احمد في الشغل مش في البيت
ابتسمت ولبست و روحت معاه وصلنا البيت ووقفت مع مرات عمي شويه في المطبخ وبعدها طلعت لقيت في الشقه لحظت اوضه احمد باين من شكلها حلوه وشيك دخلتها و لقيت فيها ذوقه حلو و عجبني جدا بصيت علي هدومه اللي في الدولاب شكله منظم جدا وانا فوضوية شكلي هتعب كتير مسكت قميصه الابيض بتاعه و سرحت فيه امتي اغسلهولك بأيدي بقي !
ضحكت و روحت علي التسريحه ومسكت البرفيوم بتاعه ورشيت بيه علي ايدي وشميته يااه اي القمر ده
دخلت البلكونه بتاعته اي ده ورد ..زارع البلكونه كلها ورد وحاجه اخر قمر بصيت من البلكونه ولفت نظري بنت في سني بس الصراحه حلوه اوي شافتني لفت وشها ممكن تكون حبيبته نهارك مش معدي يا احمد !لما اشوفك بس
كنت واقفه عاجبني المنظر جدا بس لوهله حسيت بايد بتتلف حوالين وسطي و صوت بيهمس 
_القمر بيعمل اي في اوضتي 
اټخضيت وصوت بس هو كمم بوقي 
ضحك_ششش هتفضحينا يخربيتك انا احمد 
شديت دراعه _ انت ازاي تعمل كده انا اټخضيت يا احمد 
_مش تنشفي شويه كده وبعدين مين هيعمل كده في اوضتي مفيش حد بيدخلها غيري
حطيت ايدي علي قلبي وبتنفس ببطئ ضحك و مسك ايدي وبسسها 
_حقك عليا مكنش قصدي اخضك والله بس ثواني كده
شد ايدي تاني 
_البرفيوم بتاعي اي جابوا في ايدك 
_ها 
ابتسم و همس _بتعملي اي في اوضتي و كمان خدتي البرفيوم بتاعي 
_ها 
ضحك و غمزلي _اي روحتي فين 
حاولت ادراي كسوفي و بصتله پحده _الا مين المزه العتاك دي 
بصلي بدهشه وضحك_مزه اي 
_البت الهناك في البلكونه القصادك اكيد زارع الورد ده عشانها 
_عشان مين مش فاهم 
_احمد متستعبطش فيه بنت حلوه كانت واقفه وبتبص علي البلكونه بتاعتك 
_دي بنت الجيران