رواية الكاتبة اماني عنان

شهد هتقعد معاكي
صفية .. بتردد .. مافيش مشكلة هتكون زي احمد بالظبط
حماتها .. في البيات بس وباقي اليوم مسؤوله مننا ماتقلقيش
صفية .. مافيش قلق ولا حاجة علي راسي شهد وامها
حنان .. تعيشي دا العشم برضو انا كل شهر هبعت مصروفها وهكلمكوا اطمن عليها واول ماظروف جوزي تسمح هننزل إجازة مقعد معاها
صفية تشرفوا في اي وقت

جوز حنان .. أصيلة وبت اصول والله ربنا يعمر بيتك
حماتها .. خلاص ي حنان سافروا وانتوا مرتاحين
سمر .. بتبتسم واتكلمت .. ايوا صفية تعرف ربنا وحقها مابيروحش ابدا
حنان .. حقها بمعني ايه 
سمر كانت هتكمل كلام قاطعتها صفية .. تعالي ي سمر نحضر شاي وحاجة خفيفة علي مانعمل غدا ..
وقف جوز حنان .. لا ولا غدا ولا غيره احنا لازم نمشي عشان نحضر نفسنا للسفر
حماتها .. ربنا معاكوا تروحوا وترجعوا بالف سلامه ..
تأليف أماني عنان .. كدا صفية شالت مسؤولية شهد وادبست فيها لكنها مش زعلانه قالت اهو ونس معايا في الشقة طفلة وهتنقص عليا ايه يعني ..
الضيوف مشيوا وخدت صفية البنت وطلعت علي شقتها 
تعالي ي شهد ادخلي
شهد.. شكرا ي خالتي
صفية ابتسمت حلوه خالتي دي بتحسسني اني اقربلك عن عمك جعفر
شهد .. انتوا الاتنين زي بعض
صفية .. ماشي ي غلباوية تعالي رصي هدومك في اوضة احمد علي ما احميه ونقعد نتفرج علي التليفزيون كلنا
شهد. . ماشي
____________________
تليفون سمر بيرن
بصت لقت زينب صاحبتها 
زينب .. آلو ايه ي بنتي ماجتيش ليه تاخدي حاجتك ولا حتي تبصي عليها 
سمر ..هههههههه
زينب .. مالك 
سمر .. كل حاجة باظت مشيت عكس ماكنت رايده
زينب .. فهميني طيب
سمر .. لا مامنوش عازه انا اطلقت
زينب خبطت علي صدرها .. يامري ليه وبسبب ايه 
سمر .. جوزي حمقي وكيف الطور مااتسناش يسمعني ورمي عليا اليمين وقالي عزالك عندك اخديه
زينب ي حول الله ياربي وبعدين تعالي اهنه هو العزال دا طالع بدون علم. جوزك
سمر .. ايوا
زينب سكتت
سمر .. سكتي ليه 
زينب .. ا اصل اصل
سمر .. اصل ايه 
زينب .. بصراحه كدا اخويا عرف وقالي أن اكيد في حاجة غلط في الموضوع وانا قولت له لا وهو واقف جانبي وسامع كل حاجة وممكن يقول لجوزي وساعتها يتخرب بيتي انا كمان
اخو زينب بصوت مسموع .. قولي لصاحبتك دي تيجي تاخد حاجتها وماشوفكيش تكلميها تاني دي ست قادرة ومالهاش كاسر
سمر سمعت الكلام فردت من نفسها .. بكره بالليل هاجي احمل كل الحاجة اللي عندك ي زينب انا ماعيزاش لك المشاكل
زينب .. معلش ي سمر بس اللي انتي عملتيه واعر قوووي ومافيش ست عاقلة تتصرف أكده
سمر سلام
زينب .. ربنا يهديلك نفسك سلام
أماني_عنان
صفية شطفت احمد وطلعت تفكر في جعفر وف اول كلام بينهم هيكون ايه 
طب هو مستني ايه ماكلمنيش لحد دلوك
طب الماسنجر رن فيديو شافت اسمه جريت قلعت الطرحه وسرحت شعرها بسرعه وحطت روج وقالت لشهد 
اخدي احمد واتفرجي علي قناة طيور الجنة عبال ماجي .. ماشي
شهد .. حاضر
دخلت وهي مبسوطة ومتلخبطة تكلم جوزها
جعفر ازيك ي
صفية
صفية .. الحمد لله
جعفر .. نورتي بيتك
صفية .. والله بيتي ايه الدليل أنه بيتي بعد مادخلت ست غيري فيه وكنت معاها علي عفشي وفرشتي
جعفر .. انسي اللي فات ماټ هههههههه
صفية .. بالنسبة لك إنما بالنسبة لي هياخد وقت
بص جعفر اوي عليها وقال ايه اللي انتي لابساه ده 
جلابية !!!!!!!!!!!!!!
صفية مش تطلع في وشي الاول وبعد أكده تدور علي جسمي بهيمة انا قدامك
جعفر .. اتوحشتك قومي البسي حاجة عدلة
صفية .. لا مش أكده ابدا بتكون المعاملة صفية دلوك غير صفية بتاعت زمان لما تعرف تحترم عقلي ووجودي ابقي البس واتجلع امعاك
جعفر .. وه ايه الكلام الكبير ده
صفية .. الزمن علمني كتير بعيد عنك
جعفر .. هقوم احط الشاي وازوده سكر يمكن يحلي كلامك الماسخ
صفية ..سكتت وفي سرها اللهي تنسلق
جعفر صړخ مره واحده
صفية .. في ايه مالك
جعفر .. المية المغلية وقعت علي رجلي اه اقفلي اقفلي دلوك
صفية هههههه ياما أنت كريم يارب احسن خليه يتعذب يمكن يعرف ربنا ويتقي الله فيا اتزينت وجملت وشي عشان يبص فيه ويقولي لو كلمة فيها تقدير لقيته بهيمة ماشيه بترعي في أرض ربنا كل اللي همه أعري وابسطه إنما أنه يعتذر لو بكلمة واحده انا راضية والله ياناس قابله بس يقولي انا محقوق لك ي ام ولدي وسامحيني تأليف أماني عنان اللي اتكسر بيناتنا ي جعفر كبير صعب يتلم في يوم وليلة وتطلب مني بسهولة ارجع مرتك الاولي الامان انعدم بينا ولازم تتعب عشان ترجعه شويه مش أكده ي اخي حرام عليك والله ..
_______________________
دخل فضل بيته ومراته كانت بتجهز الغدا فسألته 
صفية ايه عامله 
فضل .. طب قولي ازيك في الاول ولا عملت ايه في شغلك 
سناء .. طبعا عايزا اطمن عليك بس صفية بعد السنين دي كلها رجعت بيت جوزها عادي أكده وهو كمان مش موجود حاجة غريبة تخلي أي حد عنده فضول