قصه شيقه للكاتبه ايمى

من ايديكي
و دخلت فريده المطبخ عملت نيسكافيه و رجعت لقيت آدم نايم عالكنبه فحطت الصينيه وقعدت جنبه تبصله على شعره وكان نفسها يكون صاحي ويحس بحبها ليه بس فكرت نفسها ان آدم اتجوزها عشان يفرح مامته بس ..
فتح آدم عينيه لقي فريده قاعده جنبه
آدم ندم انه اتسرع مع فريده وانه كان المفروض يستنى لما تحبه وتنسى مراد بس هو مقدرش يقاوم بس خد قرار انه  غير لما تكون بتحبه زي ما بيحبها وفضل آدم قاعد في الليفنج لغاية  المطار فراح خبط على فريده في اوضة النوم وقالها تلبس عشان يروحوا المطار وحضرت فريده شنطتها ولبست فستان كات لونه بيج واسع وفيه زراير من ادام وعملت شعرها ضفيره عالجنب و آدم حضر شنطته ولبس شورت جينز وتيشيرت اصفر و شوز بني ونزلوا مع بعض وسلموا على سلوى وركبوا العربيه والسواق وصلهم المطار وفضلوا قاعدين ادام بوابة الطياره وكل واحد فيهم غرقان في افكاره ومش عاوز يكلم التاني.

الحلقه الثامنة عشر
ركبوا الطياره وقعدوا في الدرجه الاولى وقبل
ما الطياره تطلع
آدمفريده
فريدهنعم
آدمانا عايزك تنسي اللي حصل بينا ونحاول نستمتع بالأجازه ده سوا
فريده ضحكت ضحكه حزينه زي ما تحب
وابتدت الطياره تتحرك وهما قعدوا يتكلموا عن باريس والاماكن اللي هيزوروها وكانت ده اول زياره لباريس بالنسبه لفريده وطبعا آدم قالها انه هيخليها تشوف كل الاماكن الحلوه هناك وبعد ما فطروا رجعوا الكراسي لورا وناموا وصحيوا لما المضيفه جابت الغدا وبعدين طلبوا قهوه ولما وصلت الطياره نزلوا خلصوا الاجراءات وحجزوا ليموزين يوصلهم الفندق واختار آدم فندق استور سان اونر والفندق من افخم فنادق باريس وكل الديكورات فيه على طراز التلاتينات ومليان لوحات غاليه جدا و موقعه في شارع هادي جنب الاوبرا ومتحف اللوفر
و كمان قريب من شارع الشانزليزيه و عجب فريده اوي ديكورات الفندق وعجبها كمان الجناح اللي اختاره آدم كل الشبابيك ممتده من الارض لغاية السقف وبتبص على باريس كلها و الحيطان متغطيه بورق حائط مخطط بلون
سماوي بعد ما اتفرجت فريده على كل حاجه دخلت خدت شاور و طلعت  وآدم دخل الحمام ووابتدت فريده تلبس اختارت فستان لونه بينك  و لبست عليه صاندال ابيض فلات ورفعت شعرها ديل حصان وحطت ميك اب هادي بينك في ابيض و خرج آدم ولبس شورت ابيض وعليه تيشيرت ازرق وشوز ازرق وقرروا ينزلوا يتمشوا في شارع الشانزليزيه وكانت فريده مبهوره بكمية المحلات الموجوده فيه ودخلت محل للبيرفيومز غيرلان وده اشهر محل للعطور في فرنسا واشترت بيرفيومز لسلوى و ليان وهنا وآدم اختارلها واحد على ذوقه وخرجوا من المحل وفضلوا يتمشوا ووصلوا لقوس النصر وده مكان امر نابليون انه يتبني عشان يخلد ذكرى المعارك و كانت فريده فرحانه اوي كأنها طفله وكان آدم كل شويه يصورها في مكان مختلف وطلب من شاب انه يصورهم سوا ولما تعبوا قرروا يرجعوا الفندق ويكملوا تاني يوم دخلوا الفندق وىدم طلب ان العشا يطلعلهم فوق وطلعوا وهما فرحانين ودخل آدم لبس بيجاما لونها كحلي و فريده لبست بيجاما ساتان لونها احمر حمالات وبنطالون وقعدوا ياكلوا وفضل آدم يكلمها هيعملوا ايه تاني يوم بس لقيها بتنام وهو بيكلمها فشالها وهي قالت
فريده بصوت نايمنزلني يا آدم
آدم هششش يلا نامي
الحلقه التاسعة عشر
تاني يوم صحيوا بدري وفطروا وقرروا يروحوا برج ايفل ولبست فريده فستان ابيض طويل وواسع وصاندال فضي وسابت شعرها مفرود وآدم لبس شورت بيج وتيشيرت نبيتي و نزلوا طلبوا تاكسي ووصلوا برج ايفل الساعه 8ونص عشان يلحقوا يدخلوا قبل الزحمه واول ما جت الساعه تسعه دخلوا و آدم قالها
آدم وهو بيضحك اسمحيلي اكون المرشد السياحي بتاعك
فريده يا ريت
آدم بصي بقى يا ستي برج ايفل فضلوا يبنوه سنتين وخلصوه سنة وطوله 300 متر و فضل اطول مبنى فالعالم